Zornotzako adingabeen zentroa 'gainezka' dagoela salatu du Podemosek
Tinixara Guanche Elkarrekin Podemoseko legebiltzarkideak eta Eneritz de Madariaga Podemos Euskadiko batzarkideak salaketa aurkeztu dute Bizkaiko Fiskaltzaren aurrean, Zornotzako adingabeen zentroaren “pilaketa handiari” aurre egin diezaion; izan ere, 40 gazterentzako lekua du, eta 160 baino gehiago bizi dira bertan.
Zornotzako zentroaren “pilaketa egoera larriari” konponbide bat ematea eskatzeko bide guztiak agortu dituztela azaldu dute komunikabideen aurrean. Zentroak atzerritar adingabeei aterpe ematen die.
Horregatik, Bizkaiko Fiskaltzaren aurrean idatzi bat aurkeztera “beharturik” zeuden, erantsi dutenez, Adingabeen Fiskaltzak “urraketa larri eta sistematikoei aurre egiteko”.
Tinixara Guanche Elkarrekin Podemoseko legebiltzarkidea eta Eneritz de Madariaga Podemos Euskadiko batzarkidea. Irudia: EiTB
Zentroak gaitasun mugatu bat du; izan ere, 40 gazterentzako tokia du, eta 160 adingabe baino gehiago bizi dira egun, azpimarratu dutenez. Podemoseko ordezkarien esanetan, haurrek “lo egin ahal izateko”, jangela eta hezkuntzarako gelak atondu behar izan dituzte. Hala ere, “30 bat adingabe lurrean lo egiten ari dira”, salatu dute.
Guancheren eta Madariagaren ahotan, arazoak Bizkaiko Aldundiaren “plangintza faltarekin” zerikusia du, “egoera kudeatzeko gai ez delako”. “Ez da noizean behin gertatzen ari den gauza bat, ezta larrialdi egoera baten ondorioa ere”, gaineratu dute.
“Ia egiturazko egoera” bat dela kritikatu dute. Arartekoak 2005ean antzeko gertakariak salatu zituela gogorarazi dute. 2018ko txostenean zentroak “gainezka” zeudela azpimarratu zuen Arartekoak.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.