Harrera Sareak migratzaileentzako irtenbideak galdegin ditu Donostian
Harrera Sareak Donostian astelehen honetan salatu duenez, hirian ez dago bertara iristen ari diren migratzaile guztientzako baliabiderik, eta eskatu dituzte "irtenbideak" lagun horiek ez geratzeko kalean. Bitartean, Eneko Goia alkateak adierazi du "oraingoz" Donostia "prest" dagoela, heltzen ari diren iragaitzazko migratzaileak hartzeko, baina onartu du "arazoa" egon litekeela "beste kopuru batzuk" jasoko balira; izan ere, Gipuzkoako hiriburuko harrera-baliabidean 40 plaza daude.
Donostiako Udaletxearen aurrean egindako prentsaurrekoan, Harrerako kideek, hirian dauden hainbat migratzailerekin batera, salatu dute iragaitzazko migratzaileentzat erakundeek abisatutako baliabidea, "praktikan, hiru egunetara dago mugatuta; horren ondorioz, gutxienez 20 lagun geratu dira kalean".
Esan dutenez, hiru eguneko muga hori bost egunekoa ere izan daiteke, baliabidean plazak egonez gero, "baina hiru egun bakarrik eman dituztenak ere geratu dira kalean". Hain zuzen ere, esan dute astearte honetan beste 20 lagunek beteko dituztela hiru egun baliabidean, eta, hortaz, aukera dago horiek ere baliabide horretatik kanpo izateko.
"Alkateak dio guztientzako baliabideak daudela; hemen gaude gu, hori ezeztatzeko", azpimarratu du. Gogorarazi dutenez, Donostiak, ofizialki, "harrera-hiritzat" hartu zuen bere burua, baina, hala ere, "ez dago prest baliabide gehiago eskaintzeko".
"Gizartean dagoen emari solidarioa mobilizatzeko prest"
Harrera Sareak azaldu du prest daudela "gizartean dagoen emari solidarioa mobilizatzeko, migratzaileek ez pairatzeko kalean lo egiteak dakarren erantsitako tratu txarra, eta bideratzeko, erakundeen aldetik, harrera duina eskaintzeko beharrezko baliabideak".
"Udalari galdegiten diogu premiazkoa den egoera honi berehalako erantzuna emateko", nabarmendu dute. Zehaztu dutenez, aurreko asteazkenean bilera izan zuten Udalarekin, Foru Aldundiarekin, eta Eusko Jaurlaritzarekin, migratzaileen egoeraz eztabaidatzeko, "eta erantzun baten zain gaude".
Harrera Sareak deia egin die Donostiako herritarrei, "pertsona hauen egoerarekin bat egin, erakundeen inplikazioa galdegin, eta ekimenak babesteko"; izan ere, Sareak hainbat ekimen abiatu dituzte, azken egun eta asteotan.
Goia: "Oraingoz, hiria prest dago"
Bitartean, Euskadi Irratian emandako elkarrizketa batean (Europa Pressek jaso du elkarrizketa hori), Eneko Goia Donostiako alkateak adierazi du ikusteke dagoela "nolako egoera izango dugun etorkizunean", baina, oraingoz, "ditugun datuak kontuan izanik", Gipuzkoako hiriburua "prest" dagoela hirira iristen ari direnak hartzeko.
Nolanahi ere, Goiak onartu du "arazoak" egon litezkeela, aurreikusitako migratzaile-kopurua gainditzekotan; Goiak gogorarazi duenez, Gurutze Gorriak Donostiak kudeatzen duen baliabidean (Zorroagan dago) 25 plaza daudela, eta, une jakin batzuetan, 40 ere egon litezkeela.
Zure interesekoa izan daiteke
Bizkaiko bizilagun bat hil da eta zazpi senide zauritu, Biescasen izandako istripu batean
Istripua 14:15ak aldera gertatu da, N-260a errepidean. Familiako batzuk zihoazen auto batek aurrez aurre jo du kontrako noranzkoan zihoan beste batekin, eta atzetik zihoazen beste familiako kide batzuen autoak lehenengoaren aurka talka egin du.
Horrela grabatu dute segurtasun kamerek Arabako lurrikara
Arabako errepideetako segurtasun kamerek grabatu dute bart gaueko lurrikararen unea. Lurrikara laburra izan den arren, bibrazioa ikus daiteke horietako batzuetan.
Gizon bat atxilotu dute Gernikan, bikotekide ohia jipoitu, aizkora batekin mehatxatu eta ordu luzez atxikitzeagatik
50 urteko gizonak urruntze agindua zuen indarrean, pertsona beraren aurkako tratu txarren beste kasu batengatik. Erasotzailea espetxeratzeko agindua eman du udalerriko Guardiako Epaitegiak.
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.