Beste bi gizon atxilotu dituzte Donostian, emakumeei sexu-abusuak egitea leporatuta
Donostiako Udalak ohar bidez jakitera eman duenez, Udaltzaingoak eta Ertzaintzak beste bi atxiloketa egin ditu gaur gauean bi emakumeri ukituak eta abusuak egin dizkietelakoan.
Udaltzaingoan jarri den salaketaren arabera, erasoetako bat 01:55ean izan da Kursaaleko disko festan. Salaketa jarri duen emakumea adin txikikoa da, eta kontatu duenez, lagun batekin zegoela, gazte bat besotik heldu eta hondartzara eramaten saiatu da, ahoan musukatzen saiatzen zen bitartean. Neskak ihes egitea lortu du eta bertan zeuden bi udaltzainengana jo du.
Udaltzainek gaztea identifikatu eta atxilotu dute.
Gazte hau, gainera, Ertzaintzaren ikerketapean dago, atzo jazotako beste sexu-eraso bat dela eta.
Bigarren atxiloketari dagokionez, Udalak jakitera eman duenez, emakume batek ukituak salatu ditu azken orduotan Ertzaintzaren aurreran eta agenteek ustezko egilea atxilotu dute.
Minutu bateko isilunea eta disko festa bertan behera
Bi atxiloketa hauen berri izanda, Donostiako Udaleko bozeramaileen batzordeak presazko bilera egin du eta, bertan, segidakoa adostu du: erakunde-adierazpena egitea, gaur arratsaldean egiten diren jai ekitaldi guztietan minutu bateko isilunea egitea, eta gaur gaueko disko festa bertan behera uztea, izan ere, inguru horretan gertatu dira azken gertaerak.
Donostiako mugimendu feministak, bere aldetik, protesta-kontzentrazioa egin du 20:00etan Boulevardean.
Bestalde, Eneko Goia Donostiako alkateak sexu-erasoak gaitzesteko minutu bateko isilunean parte hartu du, eta "existitu behar ez ziren jarrerek Aste Nagusia zikindu" dutela deitoratu du.
Albiste gehiago gizartea
Euskara larrialdi egoeran dago, eta 2036rako arnasgunerik gabe geratzeko bidean
UEMAren eskariz Siadeco-k egindako ikerketa batek erakusten duenez, hamar urteren bueltan euskararen ezagutza maila apalagoa aurreikusten da eta inguruan erdarak izango dira nagusi. Azken 30 urteotan hezkuntza-arautuko hizkuntza eredu euskaldunei esker eusten dio EAEk euskaldunen pisuaren hazkundeari. Nafarroan, oinarri horren faltan, behera egiten hasiko da.
Covid iraunkorra eta zeliakia gaixotasun kronikoen zerrendan sartu dituzte
Espezialisten eta pazienteen iritzian, aurrerapausu handia izango da, bai gaixotasunaren tratamenduan, baita egunerokotasunean behar dituzten laguntzetan ere. Bi gaitz horiekin batera, polioaren ondorioak eta min kroniko ez-onkologikoa ere sartu dituzten zerrendan.
9 urteko espetxe-zigorra berretsi diote 15 urteko alabari sexu-erasoak egin zizkion gizonari
Amak alabaren aurka deklaratu duen arren, Nafarroako Justizia Auzitegi Nagusiko Arlo Zibileko eta Zigor-arloko Salak adingabearen testigantza "sinesgarria, fidagarria eta koherentea" dela adierazi du, baita "oso zehatza" ere. Hori dela eta, Probintzia Auzitegiak apirilean ezarri zion zigorra berretsi du orain.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Zergatik ikusten dira hain emakume gutxi entzierroetan?
Sanferminetako entzierroan emakumeek lehen aldiz parte hartu zutenetik 50 urte igaro diren arren, oraindik ere entzierroa korritzen duten emakumeen kopurua gizonena baino askoz txikiagoa da. Emakumearen presentziak gora egin du ia alor gehienetan azken hamarkadetan, baina zergatik ez da gauza bera gertatzen entzierroetan?
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte hezitzaile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?