Gizon batek sexu-abusua eta lapurreta egin dizkio emakume bati Donostian
32 urteko gizon batek sexu-abusuak eta lapurreta egin dizkio emakume gazte bati Donostian ostegun goizaldean, Alde Zaharrean. Gainera, 23 urteko beste gizon bat ere atxilotu dute, Segurtasun Sailak jakinarazi duenez.
04:00ak aldera izan da erasoa, Donostiako Aste Nagusian bete-betean sartuta daudenean, Alde Zaharreko Fermin Kalbeton kalean. Atxilotuetako bat biktimarengana joan da, taberna batean zegoela, eta ukituak egin dizkio gorputzeko hainbat tokitan.
Emakumeak buelta eman du, eta erasotzaileak, orduan, eskua poltsan sartu, eta telefonoa lapurtu dio. Ondoren, beste gizon bati eman dio sakelakoa, eta horrek, hirugarren bati. Azken horrek tabernatik alde egin du korrika.
Biktima ez ezik, tabernan zeuden beste pertsona batzuk ere lapurren atzetik abiatu dira, eta horietako bi harrapatzea lortu dute; ez, ordea, hirugarrena, telefonoa zeramana.
Ondoren, gertatutakoaren berri eman diote Ertzaintzari, eta agenteek aipatutako bi gizonak identifikatu eta atxilotu ditu, lapurreta egitea egotzita; sexu-abusuen delitua ere egotzi diote 32 urteko gizonari.
Ertzaintzak ikerketa abiatu du, hirugarren gizona identifikatu eta atxilotzeko.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Eraso sexisten kontra, gelditu egin dira Iruñea eta sanferminak
Ehunka pertsonek erantzun diote hainbat kolektibo biltzen dituen Indarkeria Sexistaren aurkako Emakumeen Plataformak egindako deialdiari eta Gazteluko plazara joan dira jaietan gertatu diren eraso sexistak salatzeko. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.