Elizak erregistratutako ondasunak: 1.000tik gora Nafarroan eta 500dik gora EAEn
Espainiako Gobernuak Eliza Katolikoak Ondasunen Erregistroan bere izenean erregistratutako ondasun publiko guztien zerrenda argitaratuko du. Horrek Elizak Euskal Herrian dituen ondasunak ere utziko ditu agerian.
Elizak Euskal Autonomia Erkidegoan eta Nafarroako Foru Erkidegoan immatrikulatutako ondasunak 1.600 baino gehiago dira. 1998an Jose Maria Aznarren Gobernuak erreformatutako lege frankista bati esker erregistratu zituen.
Horrela erregistratutako ondasun publiko gehien dituen lurraldea Nafarroa da, 1.087 ondasun erregistratu baitzituen Elizak Foru Erkidegoan. Gipuzkoan 388 erregistratu zituen; Araban, 72, eta Bizkaian, 65.
Ondasun hauek ermitak, elizak eta hilerriak dira, baina baita lursailak, frontoiak, parkeak eta futbol zelaiak ere. Zenbait udalerritan, horrelako ondasun asko ditu; Eskoriatzan (Gipuzkoa), adibidez, 41.
Aznarrek zabaldutako lege frankista batean oinarrituta
1946ko Hipoteken Legeak baimena ematen zion Eliza Katolikoari elizak eta gurtzarako tokiak zein etxebizitzak eta beste mota batzuetako orubeak bere izenean erregistratzeko, horien jabetza idatziz egiaztatu beharrik izan gabe. Aukera hori 1998an onartutako legearen erreforma batek zabaldu zuen, Alderdi Popularra Espainiako Gobernuan agintean zegoela.
Pedro Sanchezen Gobernuari zerrenda argitaratzea eskatu berri dion Antonio Hurtado parlamentari sozialistaren ustez, "Eliza bezalako instituzio pribatu bati instituzio publiko baten profila" eman zioten horrela.
2015eko martxoan, immatrikulazioak debekatzen zituen legea onartu zuten, baina azarora arte ez zen indarrean sartu, eta Elizak hilabete horiek aprobetxatu zituen ondasunak erregistratzen jarraitzeko.
Eliza Katolikoak erregistratutako ondasun guztien zerrenda bat argitaratzeko eskatu zuten orduan Diputatuen Kongresuan, horrela erreklamazioak erraztu egingo zirelakoan.
Orain, Sanchezen Gobernua prest agertu da zerrenda hori egiteko. PSOEren arabera, aipatu zerrenda "abiapuntu garrantzitsua izango da" norbanakoak eta instituzioak erreklamazioak egiten hasteko. "Elizak herritarrenak ziren ondasun publiko asko immatrikulatu ditu", Hurtadoren esanetan.
Estatu osoan, 40.000 ondasun higiezin
Erregistroa justifikatzeko, lehenagotik ondasun horien jabea zela argudiatzen du Elizak. Gainera, immatrikulazio horien zerrendarik ez duela esan du Espainiako Gotzainen Biltzarrak, eta gehienak lehen erregistraturik gabe zeuden parrokiak eta gurtzarako beste toki batzuk direla.
Aznarren erreformatik hona, Espainiako Estatu osoan 40.000 ondasun higiezin erregistratu omen ditu Elizak. Tartean, mahastiak eta herriko plazak daude, esaterako.
Polemika piztu zuen horietako bat Kordobako meskitarena izan zen. 2006an erregistratu zuen bertako elizbarrutiak, horren jabetza-titulurik izan gabe.
Zure interesekoa izan daiteke
Ane Lindane komikoa epaituko dute, eskarnioa egotzita, Abogados Cristianos fundazioak salatu baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzearen itxura egin zuen eta. Bilboko Instantzia Auzitegiak epaituko du euskal komikoa.
Ceutako krisiaren kudeaketan aginte bakarra hartzea eztabaidatu du Ministroen Kontseiluak
Espainiako Gobernuak Segurtasun Nazionalaren interes egoera deklaratzea aurreikusten zen, eta migrazio krisiari eman beharreko erantzuna koordinatzeko aginte bakarra hartzea, Angel Victor Torres Lurralde Politikako eta Memoria Demokratikoko ministroak zuzendutako egitura. 13:00etan agerraldia egingo dute Torres, Saiz eta Grande-Marlaska ministroek.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizasemeak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira, 434 jarduketarekin. Azken datuen arabera, 30 zauritu izan dira, eta horietatik lau erietxera eraman dituzte.
Euskadin beroari lotutako ia 300 heriotza posible erregistratu dira udan
Adinari begiratuta, hildakoen % 92k 65 urte baino gehiago zituzten, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusian, pentsio duinen alde
Aste Nagusiko giroan deitu dute manifestazioa, "jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, eta legigintzarako herri-ekimena atzera bota izana salatu dute. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.