Iñigo Cabacasen aitak 'benetako justizia egitea' eskatu du
Manu Cabacas Iñigo Cabacasen aitak “benetako justizia egitea” eskatu du gaur. Arduradunek “egindako basakeria onartu eta ordaintzea” nahi du gaztearen aitak. “Eta hanka-sartze bat izan baldin bazen, nik ez dut hala uste, berdin ordaindu beharko dute”, adierazi du.
“Justizia” oihu artean, Athleticeko jarraitzailearen senideek eta lagunek elkarretaratzea egin dute gaur Bilboko Justizia jauregiaren aurrean, auziko epaiketa hasi bezperan.
Epaiketa hasi baino ordu batzuk lehenago, gaztearen senideek eta adiskideek elkarretaratzea egin dute Bilboko Justizia jauregiaren aurrean. Gaztearen oroimenez, pankarta bat jarri dute, eta, ondoren, kandelak piztu dituzte pankartaren aurrean.
Bilkuran parte hartu dutenek “egia”, “justizia” eta “erreparazioa” eskatu dute. EH Bilduko zenbait ordezkari ere izan dira bertan, elkarretaratzea babesten.
Mobilizazioan, Manuel Cabacas hildako gaztearen aitak hitza hartu du, eta bere semearekin “egindako basakeria” onartzea eta horregatik “ordaintzea” eskatu du.
Justizia jauregiaren aurrean gau osoan kanpaldia egiteko asmoa zuten, baina, eguraldi kaskarra dela eta, bertan behera uztea erabaki dute.
Astelehen honetan goizean berriz elkartu dira epaitegien aurrean, epaiketa hasi aurretik.
Gaurko saioan, sei ertzain eseriko dira akusatuen aulkian, giza hilketa eta zuhurtziagabekeria larria leporatuta. Akusazio partikularrak lau urteko kartzela-zigorra eskatu du auzipetuentzat. Astelehenetik azaroaren 9ra arte, ehun bat lekukok hitz egingo dute Bizkaiko Lurralde Auzitegian.
Jone Goirizelaia familiaren abokatuak zuzentzen du akusazio partikularra. Fiskaltzak, berriz, auzipetuak aske uzteko eskatuko du, bere iritziz ez baitago deliturik.
2012ko apirilaren 5ean Ertzaintzak jaurtitako gomazko pilota batek buruan jo zuen Iñigo Cabacas, Athleticen eta Schalke 04 talde alemaniarraren arteko futbol partidaren ostean, San Mames inguruan zuri-gorrien garaipena ospatzen ari zela. Kalean izandako istiluen aurrean Ertzaintzak egindako kargetan jaurtitako gomazko pilota batek bete-betean harrapatu zuen gaztea, eta lau egun geroago hil zen, Basurtuko Ospitalean.
Zure interesekoa izan daiteke
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.