Kontraesanetan erori dira inputatutako ertzainen lankideak
Inputatutako ertzainen lankideek deklaratu dute, lekuko bezala, Bizkaiako Auzitegian, Iñigo Cabacasen heriotza argitzeko egiten ari den epaiketaren zazpigarren jardunaldian. Zenbait kontraesanetan erori dira agenteak.
2012ko apirilaren 5ean, gomazko pilota batek Athleticeko zalea hil zuen, Bilboko Maria Diaz de Haro kale txikian. Pilota hura nork jaurti zuen argitzen saiatzen ari da Cabacas auziko epaiketa.
Polizia operazioan parte hartu zuten sei ertzain –sei tarteko agintari eta sei agente– daude akusatuta. Akusazio partikularrak –familia ordezkatzen du–, lau urteko kartzela zigorra eta sei urteko inhabilitazioa eskatzen dizkio bakoitzari, homizidio arduragabe larriagatik. Fiskaltzak eta akusatuen defentsak absoluzioaren alde egin dute.
Sesio honetan lekuko bezala deklaratu dute inputatuen furgoneta berberetan parte hartu zuten zenbait agentek eta beste operazioaren parte ez ziren bi furgonetatan zeuden beste batzuek.
Deklarazioan, Poza kalean zeuden ertzainek, urdinez jantzita, ukatu egin dute kale-kantoira hurbildu zirenik, eta kale-kantoian zeudenak, gorriz jantzita, aldiz, bestelakoa esan dute. Juan Jose de Pablo ofizialaren abokatuak urdinez jantzitako ertzainak nondik zetozen galdetu dio kale-kantoian zeuden ertzainetako bati, eta horrek Poza kaletik zetozela erantzun du.
Deklarazio hori bat dator aurreko egunetan deklaratu duten lekukoek esan zutenarekin. Epaiketan hitz egin duten herritarren arabera, gorriz jantzitako ertzainez gain, urdinez jantzitako ertzainek ere tiro egin zuten.
Tiroei buruzko askotariko lekukotzak
Egindako tiroen inguruan, deklarazio desberdinak entzun dira sesioan. Agente batek lankideek "salbaren bat" (balarik gabeko tiroak) egin zutela esan du, eta bukaeran baino ez zuela gomazko pilotaren bat ikusi.
Beste agente batek lankideak ikusi zituen tiro egiten, baina ez zuen gomazko pilotarik ikusi, eta beste batzuek eztandak entzun zituzten heltzean, baina ez zuten inor tiro egiten ikusi.
Beste bi furgonetetako agenteek esan dutenez, borroka batez ohartarazita bertaratu ziren. Lekukoaren arabera, "momentu horretan" ez zen tirorik izan, baina geroago "tiro pilo bat" entzun ziren; "mascleta ematen zuen".
Objektuak furgoneten kontra
Gainera, zazpigarren sesioan deklaratu duten agenteek Ertzaintzaren ibilgailuen aurka objektuak jaurti zirela baieztatu dute. Esan dutenez, "botilak, hautsontziak eta denetarik" bota zizkieten, "ugari". Batek kaskoan eman ziotela esan du.
Maria Diaz de Haro kalera heldu zirenean operazioa "hasita" zegoela esan dute inputatutako ertzainen lankideek, eta "detonazioak" entzuten zirela.
Horiek akusatutakoen artean dagoen ofizialaren furgonetakoak ziren. Ofizial hori da Maria Diaz de Haroko operatiboan zeudenen artean maila autoena zuen agentea. Bertan aginduak eman behar zituena zela esan zuen Ugartekok, polizia-etxean zegoen operatiboaren buruak.
Zure interesekoa izan daiteke
Etxean daude Venezuelan preso egon diren bi euskal herritarrak
Eguerdian hartu dute lur Barajas aireportuan eta errepidez egin dute Madril eta Bilbo arteko bidea. Iluntzean, 18:00ak ondoren, iritsi dira euren etxeetara.
Erriberrin desagertutako gizonaren gorpua topatu dute
Adinekoaren bila ibili dira sei egunez, eta ostiral honetan aurkitu dute haren gorpua, Erriberri eta Beire arteko landa-bide batean.
Euskal Sagardoa izendapeneko sagardotegiek 3,1 milioi litro ekoitzi dituzte aurtengo kanpainan
Euskal Sagardoa jatorri-deiturari atxikitako 46 sagardotegiek 3,1 milioi litro edari ekoitzi dituzte kanpaina berrirako. Horretarako, bertako fruta-arboletako 4,4 milioi kilo sagar erabili dituzte.
Gidari bat hil da N-121-B errepidean, Arizkun parean, istripu batean
53. kilometroan jazo da istripua, Baztan parean, eta medikuak, suhiltzaileak, anbulantziak eta Foruzaingoaren patruilak bertaratu dira.
Dermatosi nodularraren aurkako 42.500 abelburu txertatzea aurreikusi du Gipuzkoak
Gipuzkoak 42.500 behi-abelburu txertatuko ditu dermatosi nodularraren aurka, ostiral honetan lurraldean hasi den nahitaezko txertaketa-kanpainan. Kanpaina hori gutxi gorabehera bi hilabeteko epean osatuko da, 1.900 abeltzaintza-ustiategitan.
Pertsona bat hil da Donostiako Kursaal zubiaren inguruan, ibaira erorita
Salamanca paseoaren inguruan aurkitu dute hilotza, bilaketa-lanak Zurriolako kai-muturrean hasi badituzte ere. Morrua itxita zegoen oinezkoentzat, bai eta Donostiako beste zenbait toki ere, denboralearen eraginez.
Larrialdi zerbitzuak itsasora erori den pertsona baten bila ari dira Donostian
Segurtasun Sailak esan duenez, lekuko batek jakinarazi du pertsona bat itsasora erori dela Zurriolako kai-muturrean, haize zakarra eta olatu handiak dauden lekuan. Suhiltzaileak, anbulantzia bat eta Ertzaintzaren eta udaltzaingoaren patruilak bertan daude.
Ozeanoen tenperaturak marka guztiak hautsi zituen 2025ean
Berotze ozeanikoa ez da uniformea, eta honako hauek dira gunerik beroenak: ozeano tropikala eta Hego Atlantikoa, Ipar Ozeano Barea eta Ozeano Australa, mundu osoko 31 erakundek eta 50 zientzialarik baino gehiagok egindako ikerketa baten arabera.
Venezuelak aske utzi dituen bi bilbotarrak "nahiko ondo" daude, Eusko Jaurlaritzaren arabera
Radio Euskadin egindako adierazpenetan, Jaurlaritzako Kanpo Harremanetarako idazkariak salatu du atxilotuta egon diren 15 hilabeteetan ez dituztela haien eskubideak errespetatu, eta egoera "benetan larria" pairatu dutela.
Gasteizen kalean bizi diren Maliko asilo eskatzaileak Jaurlaritzak kudeatzen dituen zentroetara eraman dituzte
Gasteizko kaleetan bizi diren Maliko 30 bat errefuxiatu Eusko Jaurlaritzako hainbat zentrotara eraman dituzte aldi baterako. Nerea Melgosa Ongizate, Gazteria eta Erronka Demografikoko sailburuak Espainiako Gobernuari eskatu dio, bere "betebeharrak" betetzeko eta Maliko asilo eskatzaileen egoera administratiboa bideratzeko.