Bilbon magrebtar gazteen aurka egindako ‘sarekada arrazistak’ salatu dituzte
Bilboko San Frantzisko auzoan "gazte magrebtarren aurka" Bilboko Udaltzaingoak eta Ertzaintzak egindako “sarekada arrazistak” salatu ditu SOS Arrazakeriak elkarteak. Halaber, gazte horiei egindako miaketak azken egunetan areagotu egin direla ziurtatu dute. Gobernuz Kanpoko Erakundeak (GKE) azaldu duenez, atzo (osteguna) arratsaldean Bilboko Udaltzaingoak “talde oso bati miaketak egin zizkion San Frantzisko auzoan”.
Elkarteak ohar bat kaleratu du ostiral honetan, “azken egunetan kolektibo jakin baten kontra egindako miaketak” gora egin dutela esanez. Ildo horretatik, Bilboko Udaltzaingoak talde jakin bat jomugan duela ziurtatu du: “gazte magrebtarrak”.
“Kale erdian kolektibo hori osatzen duten talde osoei egindako miaketak dira. Tamalez, honakoa ez da hori gertatzen den lehen aldia, eta aurretik ere jarrera hori salatu dugu”, esan du SOS Arrazakeriak.
Hala, San Frantzisko auzoan “gisa horretako sarekada arrazistak” gero eta ohikoagoak direla ziurtatu du elkarteak, eta “kezkatuta” agertu da. Bilboko Udaltzaingoko goi-kargu batzuk inguruan izandako lapurretak, erasoak eta liskarrak azken hilabetean areagotu egin direla esan zuten duela gutxi. SOS Arrazakeriaren ustez, “ezohikoak izan beharko liratekeen portaera polizial hauek adierazpen horiekin lotuta egon litezke”.
Elkarteak gogorarazi duenez, azaroaren 2an, “hogei bat udaltzain inguruk hainbat gazte magrebtarrez osatutako bi talde geldiarazi zituzten San Frantzisko auzoko bi tokitan”.
SOS Arrazakeriaren esanetan, gazteak goitik behera miatu zituzten, kale erdian “inguratu eta identifikatu ostean”. Hala, polizia-operazio hori ordu erdiz luzatu zela esan du, “inolako justifikaziorik gabe; inguruan beldurra eta mesfidantza sortuz”.
Gauzak horrela, pertsona guztiekiko “errespetua” exijitu du elkarteak, eta polizia-operazio guztiak “neurrizkoak eta arrazoituak” izan behar direla gogorarazi du. Hala, Poliziak pertsona guztien segurtasuna bermatzeko ardura duen moduan, “herritarrek dituzten eskubideak errespetatuz aritu behar da beti, testuinguruak alde batera utzita”.
SOS Arrazakeriak esan duenez, polizia-operazioetako “jomugan beti kolektibo jakin bera izatea ‘arraza bereizketa’ da, edo, zehatzago esanez, izaera fisiko batengatik identifikatzea; nazioarteko hitzarmenetan eraso arrazista gisa izendatuta dagoena”.
“Segurtasunak ez du inolako zerikusirik ‘sarekada arrazistekin’ ezta taldeei eginiko miaketekin. Ez dugu onartuko polizia-operazio hauek normaltasunez ikustea eta gure kaleetan ikuskizun lotsagarri hauek nagusitzea, ingurua gero eta gehiago degradatu eta kriminalizatzen baitute”.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.