Gabonetako Loteriak 2.380 milioi euro banatuko ditu saritan
Gabonetako Loteriaren zozketak 2.380 milioi euro banatuko ditu saritan, datorren abenduaren 22an, hots, iazko kopuru berbera. Sari nagusia lortzen dutenek 400.000 euro jasoko dituzte dezimo bakoitzeko. Guztira, 680 milioi euro bideratuko dituzte sari nagusira.
Bigarren sariak, berriz, 1,25 milioi euro banatuko ditu, alegia, 125.000 euro dezimoko, eta hirugarrenak 500.000 euro (50.000 euro dezimoko). Gainera, iaz bezala, bi laugarren sari egongo dira jokoan, 200.000 eurokoak (20.000 euro dezimo bakoitzeko), eta 60.000 euroko (6.000 euro dezimoko) zortzi bosgarren sari.
Bestalde, 1.794 zenbakik dezimoko 100 euroko saria jasoko dute. Aipatzekoa da, halaber, sari nagusiaren aurreko eta ondorengo zenbakiak 20.000 eurorekin sarituko dituztela; bigarren sariaren aurreko eta ondorengo zenbakiak, 12.500 eurorekin, eta hirugarren saritik gertuen dauden zenbakiak, 9.600 eurorekin.
Horixe iragarri du, hain zuzen, Jesus Huerta Almendro Estatuko Loteria eta Apustuen Elkarteko presidente berriak Gabonetako Loteriaren aurkezpenean, asteazken honetan.
Bertan azaldu du aurten 170 milioi dezimo saltzeko asmoa dutela. Horrek esan nahi du 170 serie egongo direla, eta bakoitzak 100.000 billete izango dituela. Orotara, 3.400 milioi euroko salmentak aurreikusi dituzte. Diru horren % 70 sarietara bideratuko dute.
Salmenten bilakaera
Salmentei buruz ere galdetu diote aurkezpenean. Horri erantzunez, Huerta Almendrok azaldu du zaila dela salmenta nola joango den jakitea, "oraindik ere dezimoak salgai daudelako, eta dezimo kopuru handiena azaroaren bukaeran eta abenduan saldu ohi egiten delako".
Zure interesekoa izan daiteke
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.