Osakidetzako zuzendariak dimisioa eman du lan eskaintzako irregulartasunen ostean
Maria Jesus Mugica Osakidetzako zuzendari nagusiak dimisioa eman du ostegun honetan, azken lan eskaintza publikoan atzemandako irregulartasunen ostean.
Mugicak dimisioa eman du Osakidetzako Administrazio Kontseiluan, eta erakundeak onartu egin du.
Haren lekua Juan Luis Diego Casals-ek hartuko du. Besteak beste, EiTBko zuzendari kudeatzaile, Eusko Jaurlaritzako Europa Gaietarako zuzendari eta Lehendakaritzako Koordinazio zuzendari izan da.
Atzo, EH Bilduk eta PPk kargua uzteko eskatu zioten Maria Jesus Mugicari, lan eskaintza publikoaren irregulartasunen auzia egindako kudeaketagatik.
Hainbat sindikatuk ere Osakidetzako arduradunen dimisioa eskatu zuten, eta salatu zuten etorkizuneko prozesuak hobetzeko xedez astelehenean Eusko Legebiltzarrean onartutako neurriak "polemika estaltzeko saiakera" zela.
Lan eskaintza polemikoa
Orotara 72.500 aurkeztu ziren azken lan eskaintza publikoaren azterketara, eta hainbat kritika jaso ostean, Osakidetzak barne ikerketa abiatu zuen. Horren ostean, hiru espezializaziotako bost azterketa errepikatzea agindu zuen, irregulartasunak atzeman ostean.
Fiskaltzaren aurrean, baina, 19 espezializaziotako azterketen aurka aurkeztu dira salaketak.
Nola hartu dute alderdiek eta sindikatuek?
Mugicaren erabakiari “errespetua” agertu dio Eusko Legebiltzarreko EAJk. Azken lan eskaintza publikoan atzemandako irregulartasunen aurrean, Osakidetzaren jokabide “arduratsua” nabarmendu dute jeltzaleek.
Osakidetzako zuzendari nagusiaren dimisioa egoera “kaotikoa eta jasanezina” konpontzen ez duen “makillaje” operazio bat baino ez dela adierazi du Rebeka Ubera EH Bilduko legebiltzarkideak.
Cristina Makazaga Elkarrekin Podemoseko legebiltzarkidearen hitzetan, ez da nahikoa Mugicaren dimisioarekin, eta Jon Darpon Osasun sailburua kargutik kentzea eskatu dio Iñigo Urkullu lehendakariari.
Erabakia hartzeko arrazoien berri ez duela esan du PSE-EEk, eta azalpenak ematea Osasun Sailari dagokiola erantsi du. EAEko sozialisten iturriek azpimarratu dutenez, “duela urte erdi lan eskaintza publikoaren irregulartasunen berri izan” zutenean bezala, gaur PSE-EEri kezkatzen diona hauxe da: “prozesua berme guztiekin bukatzea, eta datozen deialdietarako hobetzea”.
Osakidetzako zuzendari nagusiaren dimisioarekin “oraingoz konforme” agertu da Laura Garrido PPko legebiltzarkidea. Dimisioa erantzukizun politikoak onartzeko “pauso oso garrantzitsua” dela adierazi du Garridok Legebiltzarreko pasilloetan. “Gauzak ongi egin ez direla onartzen ari dira”, gaineratu du.
Lehendakariak, Darpon “salbatu nahian,” Mugica “sakrifikatu” duela uste du ELAk. Horregatik, lan eskaintza publikoaren ustezko irregulartasunen “arduradun politiko nagusi” gisa sailburua kargutik kentzea berriro eskatu du sindikatu abertzaleak.
Osakidetzako zuzendari nagusiaren dimisioarekin pozik azaldu da ESK sindikatua, baina “Legebiltzarrean agindutako ikerketa batzordea martxan jartzea geldiarazten saiatzeko helburua baino ez du, Darpon sailburuak, Jaurlaritzak eta EAJk parapeto bezala erabiltzeko”.
Albiste gehiago gizartea
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira
Hogeita hamar bat sute aktibo daude, horietatik 14 larriak, eta zortzi autonomia erkidego alertan daude sugarrengatik. Molezuelas de la Carballedako sutea Estatuan erregistratutako handiena izan daiteke datuak daudenetik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.