Bizkaia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

48 urteko urpekari bilbotar bat hil da Armintzan

15:00ak aldera, hainbat lekukok gizonaren gorpua ikusi dute uretan, eta larrialdi zerbitzura deitu dute.
Armintza (Bizkaia). Artxiboko argazkia: Alberto Zorrilla
Armintza (Bizkaia). Artxiboko argazkia: Alberto Zorrilla

Agentziak | Erredakzioa

Azken eguneratzea

Ertzaintzaren helikopteroak 48 urteko urpekari bilbotar baten gorpua erreskatatu du ostiral arratsalde honetan, azaroak 16, Armintzako (Bizkaia) hondartzatik gertu dagoen haitz-gune batean, Eusko Jaurlaritzako Segurtasun Sailak jakitera eman duenez.

15:00ak aldera, hainbat lekukok gizonaren gorpua ikusi dute uretan, eta larrialdi zerbitzura deitu dute.

Ertzaintza eta erreskate unitateko helikoptero bat lekura hurbildu dira, baina urpekaria ikusi dutenean, hilda zegoela baieztatu besterik ezin izan dute egin.

Hilotza helikopteroaren laguntzaz erreskatatu dute eta, behin lehorrean izanda, epailearen zain gelditu dira gorpua altxatzeko. Ertzaintzak ikerketa abiatu du, gertatutakoaren nondik norakoak argitzeko.

Gizartea Ertzaintza Bizkaia Euskal Autonomia Erkidegoa Eguneko Titularrak Gorliz

Zure interesekoa izan daiteke

Gehiago ikusi
Publizitatea
X