Indarkeria Sexistaren Aurkako Emakumeen martxa Iruñean, 'Jokoa bukatu da' lelopean
Hogeigarren urteurrena bete duen Indarkeria Sexistaren Aurkako Emakumeen Plataformak igandean Iruñean egingo duten manifestazioan parte hartzeko deia luzatu die herritarrei. Emakumeen aurkako Indarkeria desagerrarazteko Nazioarteko Eguna dela eta, "Game over indarkeria sexistari. Kitto" leloari eutsita, Nafarroako hiriburuko kaleak zeharkatuko dituzte manifestariek azaroaren 25ean.
Kenia Cordero aipatu plataformako bozeramaileak prentsaurreko batean adierazi duenez, mezu argia zabaldu nahi dute: "heteropatriarkatuarentzat eta konplizeentzat jokoa amaitu da". Horixe da, hain justu, Gaztelu Plazatik aterako den manifestazioan defendatuko dutena.
"Nazkatuta gaude eguneroko indarkeriarekin, arlo ekonomikoan, sexualean, fisikoan edo psikologikoan gertatzen diren erasoekin; hots, kalean, lanean edo eguneroko bizimoduan jazotzen den indarkeriarekin, eta egoera horren aurrean, ez dugu 'aitzakia' gehiagorik onartuko", azaldu du.
"Erasoak zalantzan jartzen dituen eta errua botatzen digun justizia patriarkal eta matxistari amaitu zaio jokoa", esan du plataformako bozeramaileak. Halaber, erasotzaileek emakumeei egindako kalteak ordaintzea eskatu du. Gainera, gogor kritikatu du askotan poliziek indarkeria matxista kasuetan behar bezala jokatzen ez dutela.
"Erakundeentzat eta alderdi politikoentzat ere bukatu da jokoa, hitzetatik ekintzetara igarotzeko unea iritsi da, nazkatuta gaude asmo onekin, promesekin, itunekin, betetzen ez diren legeekin eta ekarpen ekonomiko urriekin", gaineratu du.
Modu berean, neoliberalismoarentzat ere jokoa amaituta dagoela azpimarratu du, emakumezkoen eta gizonezkoen artean dagoen berdintasun ezaz baliatzen direla iritzita. "Lana sexuen arabera banatzen dute, soldaten arteko ezberdintasuna nabaria da eta lan ezegonkorrenak emakumeentzat izaten dira", salatu dute.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.