Genero indarkeriaren biktima diren 4.565 emakumek Ertzaintzaren babesa jasotzen dute
Gaur egun, genero indarkeriaren biktima diren 4.565 emakumek Ertzaintzaren babes neurriren bat dute, Eusko Jaurlaritzako Segurtasun Sailak ohar bidez jakinarazi duenez.
Horietatik 66 emakumeri eskolta esleitu diete eta 732k Bortxa telefonoa daukate.
Bortxa telefonoa Ertzaintzaren koordinazio-zentroarekin eta kasua daraman ertzain-etxearekin zuzenean lotura duen terminal bat da, larrialdietan erabiliko dena. Gainera, Eusko Jaurlaritzaren 24 orduko arreta zerbitzuaren 900 840 111 telefonora sarbide erraza du. Era berean, GPS bidezko lokalizazioa aktibatzeko aukera ematen du.
Lurraldez lurraldeko datuei erreparatuta, Bizkaian 2.304 emakumek, Araban 789 emakumek eta Gipuzkoan 1.472 emakumek jasotzen dute era bateko edo besteko babesa. 2017ko azaroan guztira 4.485 emakume ziren: 2.081 Bizkaian, 1.045 Araban eta 1.359 Gipuzkoan.
Ertzaintzak arriskuak ebaluatzeko sistema bat badu, Euskal Herriko Unibertsitatearekin batera prestatu zena eta Europan aitzindaria dena. Prozedura horri jarraituz, kasu berri bat hautematen duen bakoitzean, Ertzaintzak babes aktiboa ematen dio biktimari, arrisku-maila edozein dela ere eta kasua auzitegietan ebazten bada ere.
Arriskua lau mailatan sailkatzen da: oinarrizkoa, handi samarra, handia eta berezia. Horien ebaluazioa etengabea denez gero, arrisku-maila alda daiteke biktimaren edo erasotzailearen baldintzak aldatzen badira.
Kasu jakin batzuetan, eta epailearen aginduz, erasotzaileari eskumuturreko elektronikoa esleitzen zaio, urruntze-agindua betetzen duela ziurtatzeko. Gaur egun, mota horretako 30 eskumuturreko daude aktibatuta: 24 Bizkaian, 4 Gipuzkoan eta 2 Araban. Halaber, 3.023 emakumek dute urruntze-aginduren bat: 1.410 emakumek Bizkaian, 449 emakumek Araban eta 1.164 emakumek Gipuzkoan.
Bestalde, Ertzaintzak genero indarkeriaren biktima diren emakumeentzako aplikazio espezifiko bat ere garatu du: Bortxa. Aplikazio berri horrek Bortxa telefonoa ordezkatuko du abendutik aurrera eta hainbat hobekuntza eskaintzen ditu arreta zerbitzuan.
Albiste gehiago gizartea
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
28 urteko gazte baten hilketarekin lotura dutelakoan, hiru gazte atxilotu ditu Ertzaintzak. Josu Bujanda ertzainburuak azaldu duenez, gertatutakoa "ustekabekoa" izan zen. "Etxerako bidean, elkar ezagutzen ez ziren bi gazte talde ziren", esan du.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.