Emakume izateagatik emakumeek pairatzen duten indarkeria onartu du Barkosen Gobernuak
Nafarroako Gobernuak adierazpen instituzionala onartu du, datorren igandean (azaroak 25) ospatuko den Emakumeen Kontrako Indarkeriaren Aurkako Egunaren harira. Foru Gobernuak aitortu duenez, emakumeek emakume izateagatik indarkeria sufritzen dute.
"Emakumeek emakume izateagatik sufritzen duten indarkeria da giza eskubideen urraketarik ohikoena munduko gizarte guztietan; baita gurean ere", azpimarratu du.
Emakumeen kontrako indarkeriari aurre egiteko 14/2015 Foru Legeak aitortzen du eskubidea dagoela emakumeen aurkako indarkeriak eragindako kaltea konpontzeko, bai modu indibidualean eta baita modu kolektiboan ere.
"Genero indarkeriak eragindako kalteak konpontzea administrazioen betebeharra dugu eta konpentsazio ekonomikoa, erasotzailea kartzelaratzea eta neurri penalen edo bestelako neurrien ezarpena dakar. Baina haratago ere joan behar du. Konponketa horrek aitortu behar du emakume horiek ez zutela zertan jasan bizi behar izan duten egoera, egoera bidegabe eta onartezina, guztioi dagokigun arazo sozial batek sortutakoa. Beraz, eraldatu egin behar ditugu testuinguru diskriminatzaile eta misoginoak, emakumeen aurkako indarkeria ahalbidetzen dutenak", dio Gobernuak.
Halaber, Nafarroako Gobernuak omenaldia eta aitorpen publikoa egin nahi die emakumeen aurkako indarkeriaren biktimei eta esperientzia horretatik bizirik atera direnei. Ez hori bakarrik, gauza bera egitera gonbidatu du Nafarroako jendartea, sozialki emakume horiekin zor bat dagoela iritzita. "Azken 20 urteetan Nafarroan hil dituzten 18 emakumeak gogora ekarriz eta aitortuz hasi nahi dugu", azpimarratu du.
Gainera, Nafarroako Gobernuak lanean jarraitzeko konpromisoa agertu du emakumeen aurkako indarkeria mota guztiak prebenitzeko eta berriro ere halakorik ez errepikatzeko. Halaber, baliabideak eta zerbitzuak eskaintzen eta hobetzen segituko du. Aldi berean, emakume bakoitzak erreparaziorako eskubidea erabiltzea eta justizian sarbidea izatea ahalbideratuko da.
Erakundeen konpromisoak eta gizartearenak batera joan behar dute. Horregatik, Nafarroako Gobernuak gizartea animatzen du egun honen inguruan indarkeria arbuiatzeko eginen diren ekitaldietan parte hartzera eta egoera honetan dauden emakume guztien aitorpena egitera eta haiek babestera, guztiok lana egin dezagun gizarte solidarioa, zuzena eta emakumeen aurkako indarkeriarik ez duena lortzen”.
Azkenik, azaroaren 25aren harira egunotan indarkeria matxista arbuiatzeko egingo diren ekitaldietan parte hartzeko eta egoera horretan dauden emakumeak babesteko eta aitortzeko deia egin die Gobernuak herritarrei.
Zure interesekoa izan daiteke
Eusko Jaurlaritzak dio ez dagoela "arrazoi juridikorik" hizkuntza-eskakizunen gaia Konstituzionalera eramateko
"Kezkatuta" agertu dira Gasteizko gobernuko ordezkariak, "sektore publikoa euskalduntzeko sistema guztia zalantzan" jartzeko arriskua ikusten dutelako.
EAJk eta PSE-EEk Gipuzkoako aurrekontuak aurrera aterako dituzte, Elkarrekin Podemosekin akordioa lortuta
Miren Echeveste alderdi moreak Gipuzkoako ganberan duen eledunak eman ditu akordioari buruzko xehetasunak, arratsaldean egin duen agerraldian. Azaldu duenez, 19 milioi euroko —aurrekontu osoaren % 1,4— balioa duten proposamenak txertatu dituzte aurrekontuen proiektuan. Horiekin, "zaharren egoitzetako langileen baldintzak hobetzea eta erabiltzaileen koordainketa errebisatzea" eta "garraio publikoa eta mugikortasun iraunkorra sustatzea" lortu nahi dutela nabarmendu du, bereziki.
Ernaik bere "borrokarekin bat egiteko" deia egin die gazteei, "eskuin muturraren eta faxismoaren erasoari" erantzuteko
Ernaik salatu du "eskuin muturraren eta faxismoaren erasoa" bizi dela "mundu osoan, bai Espainiako eta Frantziako estatuetan, eta, ondorioz, baita Euskal Herrian ere". Azken asteotako "ekimen horiek bizi dugun egoera salatzea zuten helburu, baita zenbait ikurrek ordezkatzen duten proiektu atzerakoia salatzea ere", baina "batzuek bizi dugun egoeraren larritasunean fokua jarri baino, protesta batzuen izaeran jarri dute eztabaida, ekimen horien helburua erabat desitxuratuz", adierazi dute.
Gorenak Garcia Ortiz zigortu du, Ayusoren bikotekidearen mezu elektronikoa filtratzeagatik eta Fiskaltzaren prentsa oharragatik
Auzitegi Gorenak frogatutzat jo du berak edo bere inguruko norbaitek, bera jakitun zela, Madrilgo Erkidegoko presidentearen bikotekide den Alberto Gonzalez Amadorren abokatuaren mezu elektronikoa filtratu ziola Ser irrati kateari.
Hizkuntza ofizialak Administrazioaren organo guztietan erabiltzea eztabaidatuko dute Kongresuan
Urteko azken osoko bilkuran eztabaidatuko dute ERC, EAJ, EH Bildu, Compromis, BNG eta Mes per Mallorca eta Comuneseko parlamentariek eramandako lege-proposamena. Helburua, besteak beste, katalanez, euskaraz eta galegoz idatzitako dokumentuak Administrazio osoan onartzea da, itzulpenik egin gabe.
Ernaik salatu du bere kontrako “kriminalizazio saiakera baterako operazioa” dagoela martxan
Ezker abertzaleko gazte erakundeak bideo bat argitaratu zuen bart sare sozialetan, joan den larunbat goizaldean Gernikako Juntetxean egindako ekintza erakutsiz. Azken egunotan egin dituzten ekimenekin "gure herrian muturreko egoera bat bizi dugula" erakutsi nahi izan dutela adierazi dute, eta euren kontrako "kriminalizazio saiakera" salatu dute.
Mikel Zabalzaren gorpua aurkitu zuten lekuan emozio handiko ekitaldia egin dute senideek eta lagunek
Mikel Zabalzaren omenezko martxak topagune berezia izan du gaur Endarlatsan: duela 40 urte han bertan Bidasoako uretatik atera zutela hilik, eskuak lotuta. Familiarentzat eta ikertu dutenentzat beti torturatua izan zela argi egon bada ere, ez da sekula horrela onartu.
Otxandiano: "EH Bilduk ez du inolako ardurarik Ernaik egiten dituen ekintzetan"
Eusko Legebiltzarreko EH Bilduren bozeramailearen ustez, "beste interes batzuk daude EH Bildu interpelatzen denean, EH Bildu istiluekin lotu nahi da". Ildo horretan, proposatu du "norbaitek interesa badauka Ernaik egiten dunearen inguruan, hitz egin dezala Ernairekin".
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.