Euskaraldiak edizio gehiago izango ditu
'Euskaraldia, 11 egun euskaraz' ekimena atzo amaitu zen eta gaur lehendabiziko balantzea egin dute antolatzaileek.
Pozik agertu dira, ekimenaren arrakasta azpimarratu dute (220.000 lagun inguruk hartu dute parte) eta etorkizunean Euskaraldiaren edizio gehiago izango direla iragarri dute.
Ekimenaren sustatzaileek agerraldia egin dute Donostian. Tartean izan dira Miren Dobaran Eusko Jaurlaritzako Hizkuntza Politikako sailburuordea, Elena Laka Euskaltzaleen Topaguneko presidentea eta Arrate Illaro Euskaraldiaren koordinatzaileak.
Ekimenak gizartean eragin handia izan duela eta herritarrek euskaraz hitz egiteko hartu duten konpromisoa nabarmendu dute.
Dobaranen iritzian, "bide luze baten hasiera" izan da Euskaraldia, eta ekimen horrek "euskararen erabilerari bultzada handia" eman dio, baina aldaketa gauzatzeko enpresa, elkarte eta erakunde publikoen babesa ezinbestekoa izango dela erantsi du.
Halaber, kanpaina honen helburu nagusia "hizkuntza ohituren gaineko hausnarketa egitea" eta jarrera horiek aldaraztea izan dela gogoratu du.
Illarok parte-hartzea azpimarratu du eta herritarrei esker ona adierazi die. Euskaraldiaren koordinatzaileak jakinarazi du ikerketa bat egingo dutela, ekimenaren eragina aztertzeko eta ondorio zehatzak ateratzeko. Emaitzak 2019ko udan ezagutaraziko dituzte.
Ildo berean, Illarok baieztatu du Euskaraldiak jarraipena izango duela etorkizunean, baina gaineratu du oraindik ez dutela erabaki ekimena urtero errepikatuko den edo noizbehinka soilik antolatuko duten.
"Euskaraldiak harrera ona izan du gizartean eta erantzuna espero baino hobea izan da Euskal Herri guztian; izen eman ez zuten pertsonek ere bat egin dute, egitasmoak kalean izan duen ikusgarritasuna dela eta", azaldu du.
Bestalde, hamaika egunotan bizitako esperientzia guztiak "mapa dinamiko handi batean" bilduko dituztela jakinarazi dute antolatzaileek.
"’Ahobiziak’ eta ‘belarriprestak’ gelditzeko etorri dira", ziurtatu dute pozik.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.