Beltran de Heredia: 'Ertzaintzak hanka-sartzeez ikasi eta hobera egin du'
Iñigo Cabacasen hilketaren ondotik Ertzaintzak “hanka-sartzeez ikasi” egin duela ziurtatu du gaur Estefania Beltran de Heredia Eusko Jaurlaritzako Segurtasun sailburuak. Beltran de Herediaren ahotan, Ertzaintzak “hobera” egin du eraldaketa sakona aurrera eraman ondoren, “antzekorik berriz ez gertatzeko”.
Segurtasun sailburuak Eusko Legebiltzarreko batzordean agerraldia egin du, EH Bilduk eskatuta, Cabacasen hilketaren inguruko epaia aztertzeko. Gomazko pilota batek Athleticeko jarraitzaile gaztea hil zuen Ertzaintzaren karga batean, 2012an, Bilbon.
Sententziaren berri izan eta egun batzuk geroago, Jorge Aldekoa Ertzaintzako buruzagiak dimisioa eman zuen. Aldekoak lekuko gisa deklaratu zuen epaiketan. Gertakariak jazo zirenean Bilboko polizia-etxearen arduraduna zen Aldekoa.
Duela sei urte kargura heldu zenean, ordena publikoaren kudeaketa eta antolakuntza egitura aldatzeko prozesuarekin aurrera jarraitu zuela errepikatu du sailburuak.
Horrela, Brigada Mugikorraren ekiteko moduak aldatu direla azaldu du Beltran de Herediak. Desordena publiko egoeratan protokolo berri bat martxan jarri dute, zuzenean arau-hausleen aurka egiteko, “zehar-kalteak” murrizteko.
“2012ko abendutik ez dira berriro gomazko pilotak erabili, hori da aldaketaren ikur”, gaineratu du.
EH Bilduk ikerketa oztopatzea leporatu izana kritikatu du sailburuak. “Guztiz faltsua da”, epaitegiek eskatutako “informazio guztia Sailak igorri duela badakite”, erantsi duenez.
Informazioa desitxuratzea eta “erdizkako egiak” erabiltzea egotzi dio Beltran de Herediak koalizioari. “Elkarbizitza, elkarrizketa eta normalizazio” egoera baterantz bidea egin beharko lukeela iradoki dio ezker abertzaleari. Aldekoaren dimisioari dagokionez, “keinuak haren figura goratzen” duela esan du sailburuak.
Manuel eta Josefina Iñigoren gurasoek agerraldia alboko areto batetik jarraitu dute. Jone Goirizelaia abokatu eta EH Bilduko legebiltzarkideak lagundu ditu.
Sailburuak amaitu duenean, “gezurretan” aritzea egotzi dio Manuel Cabacasek Beltran de Herediari, epaileari frogak ukatu zizkiolako, ez ziolako justiziari lagundu eta guzti honetan ETA nahastu nahi izan duelako.
Familiak Gasteizko Ganberan agerraldia egitea eskatuko duela iragarri du Iñigoren aitak. “Aurpegira gezurra esan diezadala, ausartzen baldin bada”, adierazi du.
Iñigoren gurasoak elkarretaratzea egin duten manifestariak agurtzen, Eusko Legebiltzarraren aurrean, Gasteizen. Argazkia: EFE
Julen Arzuagaren (EH Bildu) hitzetan, sententzia “gogorra Sailarentzako kolpe” bat da; are gehiago, ikerketa “eskasaren” eta Segurtasun Sailaren “erabateko porrota” da.
Cabacasen heriotza “Ertzaintzaren historian krisirik larriena” izan dela onartu du Iñigo Iturratek (EAJ). Ertzaintzari “kalterik handiena egin dion gertakaria” izan dela gaineratu du jeltzaleak.
Auzian erantzukizun politikoak daudela uste du Edurne Garciak (Elkarrekin Podemos), Poliziaren eredua esparru politikoan erabakitzen delako. Ertzaintza barruan ikerketa “eskasa” izan dela erantsi du.
Patxi Lopezen legealdian martxan jarritako protokoloen hobekuntza goraipatu du Alexia Castelok (PSE-EE).
“Ertzaintzaren aurka” egiteko auzia “politikoki” erabili izana deitoratu du Nire Llanosek (PP), baina Aldekoa “justiziaren jomuga” zenean Ertzaintzako buruzagi izendatu izana aurpegiratu dio sailburuari.
Elkarretaratzea egin dute Eusko Legebiltzarraren aurrean, Gasteizen. Argazkia: EFE
Zure interesekoa izan daiteke
Ertzaintzak alkohol eta droga kontrolak areagotuko ditu errepideetan datorren astean
Alkoholemia-proba batean positibo ematea arau-hauste oso larria da, eta 500-1.000 €-ko zigorra eta gehienez 6 puntu kentzea dakar.
Epaitegiak arrazoia eman dio ezgaitasuna duen gazte bati, eta Gasteizko Udalean funtzionario izateko aukera izango du
Udalak erabaki zuen ez zituela LEParen oinarriak betetzen, baina gazteak bere desgaitasun-maila frogatu ahal izan zuen eta epaitegiak arrazoia eman dio.
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.