Adingabeei egindako sexu delituek ez dute preskribatuko biktimak 30 urte bete arte
Espainiako Gobernuak Haurtzaroa eta Nerabezaroa Indarkeriarengandik babesteko Legea onartu du gaur. Berrikuntza nagusiena adingabeei egindako sexu delitu larrienen preskripzio epea handitzea da: aurrerantzean, delituak ez du preskribatuko biktimak 30 urte bete arte. Orain arte, adin-nagusitasunarekin batera hasten zen kontatzen, eta delituaren larritasunaren arabera, 5-15 urte gerorago preskribatzen zuten.
Araudi berriak Zigor Kodea aldatzea ekarri du, eta adingabeei egindako delitu larrienei eragiten die, hots, hilketa saiakera, sexu gehiegikeri eta abusuak, larriagotutako lesioak, ohiko tratu txarrak eta adingabeen salerosketa.
Adin txikikoei egindako indarkeria mota guztiak bildu dituzte legean: tratu txar fisikoak, psikologikoak, emozionalak, eraso sexualak, baina baita zigor fisikoak eta tratu desegokiak ere. Internet eta teknologia berrien bidez egindako indarkeria ere zigortuko dute aurrerantzean.
Horrez gain, delitu horiengatik kondenatutako pertsonen zigorrak betetzeko baldintzak gogortuko dituzte. Hori horrela, zigorraren erdia bete arte presoek ezingo dute baimenik izan, eta ezingo dira hirugarren gradura pastu. Baldintzapeko askatasuna eskuratzeko aukera ere zailduko dute lege berriaren bitartez.
Sexu delituetan eta adingabeen salerosketa kasuetan, zigorraz gain, adingabeekin harreman zuzena eta ohikoa izatea eskatzen duten lanbideetan aritzeko gaitasungabetzea ezarriko zaie kondenatuei.
Halaber, adin txikikoen bigarren mailako biktimizazioa saihesteko neurriak hartuko dira. Gauzak horrela, testuak legezko ordezkariaren edota Ministerio Fiskalaren esku uzten du adin txikikoak epaiketan deklaratu behar duen ala ez erabakitzea. Gainera, biktimaren senide eta aldi berean lekuko direnei epaitegian aurkeztera behartuko zaie (orain arte salbuetsita zeuden).
Azkenik, instrukzioko epaileei aldez aurretik eratutako frogara —epaiketan erreproduzitu behar ez dena— jotzea behartzen die biktimak 14 urte baino gutxiago dituenean. Ondoren, epaiketaren ardura izango duen epaileak edo epaimahaiak ezin izango du, salbuespenak salbuespen, deklaratzera deitu adin txikiko biktima.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.