Hondakinak kudeatzeko plan alternatiboa Gipuzkoako Aldundiaren esku utzi du GuraSOSek
GuraSOS elkarteak Gipuzkoako Foru Aldundiaren esku utzi du hondakinak kudeatzeko landu duen plana.
Dokumentua entregatu aurretik, ekitaldia egin dute Aldundiaren parean eta haurrek hartu dute hitza: "Gure gurasoek urte eta erdi daramate aldundiarekin hitz egin nahian, hondakinen inguruko auzian akordioa bat lortzeko asmoz. Baina jaso duten erantzuna isiltasuna eta arbuioa izan dira".
Joseba Belaustegi GuraSOS elkartearen bozeramaileak Hondakinak kudeatzeko Planaren tramitazioa gelditzeko eta elkarrizketaren bideari hel diezaiola eskatu dio Aldundiari, auzi honi prozesu parte-hartzaile baten eta akordioaren bidez irtenbidea emateko.
Belaustegik azaldu duenez, urtebete eman dute Hitzartu ekimenaren baitan lanean eta horren ondorio da hondakinak kudeatzeko plan alternatiboa. Zubietako erraustegiak Gipuzkoan eragin duen "zatiketa eta gatazka soziala" amaitzeko balio dezakeela ziur agertu da.
"Gizarte zibil antolatuak ekonomikoki nahiz ingurumenaren ikuspuntutik bideragarria den proposamena jarri du mahai gainean", nabarmendu du.
"Zigilatutako, isolatutako eta bioegonkortutako gelaxkatan hondakin inertizatuak" gordetzean oinarrizten da plana.
Ildo horretan, teknika hori Bizkaian dagoeneko indarrean dagoela gogoratu du. "Duela gutxi horrelako gelaxkak jarri dituzte Artigaseko instalazioetan", erantsi du.
Zure interesekoa izan daiteke
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.