Defentsak bere txanda amaitu du, Pablo Ibarren epaiketaren 20. saioan
Atzo, urtarrilak 14, astelehena, egin zuten Pablo Ibarren ahozko epaiketaren hogeigarren saioa Floridako (AEB) Broward Country auzitegian.
Goizean saioa hasi bezain laster, defentsak hartu zuen hitza bere txanda amaitutzat ematen zuela eta ez zituela lekuko gehiago deituko esanez. Hori dela eta, erreplikarako tartea zabaldu zen fiskalarentzat.
Fiskaltzak defentsak bere tartean aipatutako kontuei soilik erantzun ahal izango die. Halaber, lekuko eta peritu gehiago aurkez ditzake. Kasu horretan, defentsak galderak egiteko eskubidea izango du.
Fiskaltzaren txanda
Erreplikarako txandan, fiskalak beste behin Human Nasir deitu zuen deklaratzera. Lehendabiziko DNA probak egin zituen Bode Cellmark laborategiko analista da eta iragan abenduaren 18an ere deklaratu zuen.
Funtsean, garai hartan estandarizatuta zeuden lan prozeduren arabera lan egin zuela adierazi zuen. Pablo Ibarren abokatuen esanetan, lekukotza horrek ez zien indarra kendu aurrez defentsak aurkeztu zituen peritaiei.
Gerora, Fiskaltzak Stephanie Siivak deitu zuen, Bode Cellmark laborategiko arduradun teknikoa eta Huma Nasirren nagusia. Bere agerraldian azaldu zuenez, Humak protokolo egokiak jarraitu zituen probak egiterakoan. Defentsaren ustez, lekukotza horrek ez zuen peritaien irmotasuna ahuldu.
Azkenik, fiskalak Kevin McElfresh doktorea deitu zuen, DNAn aditua eta Bode Cellmark laborategiaren sortzaileetako bat da. Bere hitzaldian, defentsak aurkeztutako DNA adituak kritikatu zituen.
Aurreikuspenen arabera, astearte honetan amaituko da erreplikarako tartea.
Gauzak horrela, urtarrilaren 16an aldeek beren azken ondorioak aurkeztuko dituzte eta, amaitutakoan, epaimahaia erabakia hartzera erretiratuko da.
Zure interesekoa izan daiteke
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.