Euskal Herriko ikasleak kalera atera dira gaur, klimaren aldeko grebaren baitan
Klima aldaketaren aurka Europa iparraldean hasitako ikasle mugimendua Euskal Herrira iritsi da. Ikasleek mobilizazioak egingo dituzte gaur Euskal Herriko bost hiriburuetan, mundu mailan deitutako grebarekin bat eginez, "krisi klimatikoaren aurkako ekintza politikoa" eskatzeko. Guztira, 105 herrialdetako 1.600 bat hiritan deitu dituzte protestak, eta "M15 klimatikoa" deitu diote Estatu espainiarrean. Lehen aldia da Euskal Herriko ikasleek halakorik egiten dutena.
Azken asteetan, zenbait hirik bat egin dute mugimendu horrekin. Kalera irteten goiztiarrenak Iparraldeko ikasleak izan dira. Baionan, kontzentrazioa egin dute, 09:00etan, udaletxearen atarian. Iruñean, udaletxe plazan elkartuko dira 12:00etan. Gasteizen, eguerdian egingo dute, udaletxearen aurrean, eta beste mobilizazio bat egingo dute 18:00etan, Andre Maria Zuriaren plazan. Bilbon, ordu berean egingo dute protesta, udaletxearen aurrean. Donostian, 13:00etan izango da elkarretaratzea, Ignacio Maria Barriola zentroan.
Hego Euskal Herriko ikasleen sindikatuak bat egin du grebarekin, baina bere aldetik deitu ditu mobilizazioak. Zehazki, 12:00etan deitu ditu manifestazioak Bilbon, Donostian, Gasteizen eta Iruñean.
Estatu espainiarrari dagokionez, mugimendua indarra hartzen ari da, bereziki, Madrilen, Bartzelonan eta Valentzian, Elena Montero Gazteria Klimaren Alde plataformako aktibistak esan duenez. Greta Thunberg nerabe suediarrak hasitako mugimenduari jarraipena eman nahi diote horrela. Abuztutik, ostiralero greba egiten du Thunbergek Stockholmeko Parlamentuaren aurrean.
Gazteria Klimaren Alde plataforman mugimendu honi buruzko interesaren "izugarrizko" igoera sumatu dute Estatu espainiarrean. Gironan, ikasleek eserialdia egin zuten urtarrilean Generalitateko bulegoen aurrean.
Ander Congil Gironako Unibertsitateko ikasle tolosarraren esanetan, "nazioarte mailan elkarlanean jarraitzea da orain erronka". Horregatik, "ostiral honetakoaren antzeko deialdiak" egitea aurreikusten du Biologia eta Ingurumen Zientzietako ikasleak.
Katrina Calderon Madrilgo FridaysForFuture plataformako kidearen arabera, gaurko elkarretaratzeetan "hainbat belaunalditako, talde politikotako eta gizarte klasetako jendea" espero dute, "klimaren krisiak guztioi eragiten digulako".
Espainiako Ikasleen Sindikatuak ere bat egin du mugimendu honekin, "Kapitalismoak mundua hiltzen du" lelopean. 30 deialditik gora egin dituzte, 12:00etan, salaketa argia egiteko; izan ere, "krisi klimatikoa ez da norbanakoen arazoa, sistemarena baizik", Marina Matak azaldu duenez. "Adin guztietako ikasleak batzea" espero dituztela gaineratu du.
Zure interesekoa izan daiteke
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.