Hiru pertsona zauritu dira Muskizen, A8an hamar autoren artean izandako istripuan
Bizkaian, hamar ibilgailuren arteko istripuak auto-ilara luzeak eragin ditu gaur goizean A8 autobidean, Muskizen, Bilbora bidean, Eusko Jaurlaritzako Segurtasun Sailak jakinarazi duenez. Guztira hiru pertsona zauritu dira eta Gurutzetako ospitalera eraman dituzte.
Ezbeharra 07:30ean gertatu da, A8ko 139. kilometroan.
Antza denez, zortzi ibilgailuk bata bestearen atzetik jo dute eta, 200 metro atzerago, beste bik talka egin dute lehendabiziko istripu horren ondorioz.
Ondorioz, erreietako bat itxi dute eta lau kilometro arteko ilarak sortu dira. Hala ere, ibilgailuak erretiratu ostean, bidea guztiz zabaldu dute 09:00ak aldera eta pixkanaka-pixkanaka auto-ilarak gutxituz joan dira.
A8an istripua izan duten ibilgailuetako batzuk. Argazkia: @cafecongotas7
Hiru kilometro arteko auto-ilarak Orion, AP8 autobidean izandako hainbat istripuren ondorioz
Muskizen ez ezik, goiz korapilatsua izan da Orion. Goizean, hainbat istripu izan dira AP8 autobidean Donostiarako noranzkoan eta, hori dela eta, 3 kilometro arteko ilarak sortu dira. Ilarak Zarautzeraino heldu dira.
10:36rako trafikoa bere onera etorri da.
Zure interesekoa izan daiteke
Gizon batek fisikoki eta sexualki egin dio eraso bikotekideari Gasteizen
Ostegunean gertatu zen erasoa, 16:30 aldera, El Pilar auzoan.
Hexabalente txertoaren zain dauden 30 pertsonak datorren astelehenerako txertatuko dituzte
Iraungitako bi txerto motarekin lotuta egon daitezkeen kasu berriak baieztatu zituen atzo Osasun Sailak; guztira 78 pazienteri eragin diezaieketenak. Horiei dagokienez, argitu dute beharrezkoa denean jasoko dutela txertoa.
Emakume bat atxilotu dute Bilbon, Uribarri auzoan bikotekidea hiltzea egotzita
Biktima, 67 urteko gizon bat, 55 urteko emakume atxilotuarekin bizi zen etxebizitzan aurkitu dute
Eusko Jaurlaritzak nazioarteko babesa duten 154 pertsona artatu ditu urtebetean
Urtebete igaro da Eusko Jaurlaritzak Nazioarteko Babes Sistemaren autonomia fasea bere gain hartu zuenetik eta balantzea egin du Ongizate, Gazteria eta Erronka Demografikoaren Sailak. Dena den, asilo prozedurak Espainiak Gobernuak kudeatzen ditu oraindik.
60 urteko emakume bat atxilotu dute Antigua auzoko etxebizitza batean lapurtzeagatik
Atxilotuak giltza ingeles batekin hautsi zuen leiho bateko kristala, eta etxean ezkutatuta aurkitu zuten.
Osakidetzak azpimarratu duenez "pazientearen segurtasuna oroz gaindi dago" eta txertoen "datu guztiak proaktiboki" berrikusten ari dira
Koldo Berganzo Osakidetzako Asistentzia Sanitarioko zuzendariak "lasaitasun" mezua helarazi die herritarrei, eta azpimarratu du "hasiera-hasieratik" aktibatu zirela "sistemaren segurtasun-mekanismo guztiak".
Rosalia ezustean agertu da Bartzelonako Manifest x Palestina kontzertuan
Rosalia artista kataluniarra ezustean agertu da ostegun honetan Bartzelonako Manifest x Palestina kontzertuan, 'La Perla' abestuz eta antolakuntzari eskerrak emanez.
Gorabehera teknikoek atzerapenak eragin dituzte Bilboko aldiriko lineetan
Bilbo Santurtzirekin eta Muskizekin lotzen duten trenek matxura bat izan dute eta abiadura mugak dituzte.
Istripu batek 6 kilometroko auto-ilarak eragin ditu N-1 errepidean, Irura parean
Errei bat itxita dago Gasteizko noranzkoan, eta hiru pertsona artatu behar izan dituzte auto batek eta furgoneta batek talka egin ostean.
Albiste izango dira: iraungitako txertoak, abisu horia kostaldean eta AEBren zigorra Kubari
Gaurkoan Orain-en albiste izango direnen laburpena, bi hitzetan.