'Gure Leire' ontziko zazpi tripulatzaileak kartzelara bidali ditu epaileak
'Gure Leire' Ondarroako arrantza-ontziko zazpi tripulatzaileak behin-behinean kartzelan sartzeko agindua eman du Vigoko instrukzio epaitegiko epaile batek.
Joan den maiatzaren 27an antzeman zuten ontzia, barruan 2.500 kilo kokaina zeramatzala, Azoreetako iparraldetik Galiziako kostaldera bidean zihoanean. Ontzia Surinametik atera zen ordu batzuk lehenago.
Horixe da Maica Larriba Pontevedrako Gobernuko ordezkariordeak, Imelda Capote Galiziako Zerga Administrazioko ordezkari bereziak eta Jaime Gaya Galiziako Aduanetako buruak azaldu dutena, arrantza-ontzitik droga atera eta zazpi tripulatzaileak (galiziarrak eta euskal herritarrak, guztiak) Vigon atxiki ostean.
Horiek guztiak epailearen aurrera eraman dituzte, Auzitegi Nazionalak hala eskatu baitu. Denak behin-behinean espetxeratzea erabaki du epaileak deklarazioa hartu eta gero.
Gainera, miaketak egin dituzte Ondarroako eta Berriatuko hiru etxebizitzatan, 'Tiburon' operazioaren barruan.
Ikerketa apirilean abiatu zuten A Coruñako portuan. 'Gure Leire' ontziak susmoak eragin zituen zaindarien artean, Imelda Capotek jakitera eman duenez.
Capotek gaineratu du jatorri-portua Ondarroan duen arrantza-ontziaren gaineko susmoak zabaldu zirela, narkotrafikoarekin zerikusia izan zezakeelakoan.
Ikerketak zehaztu duenez, 80 milioi eurora hel zitekeen konfiskatutako drogaren balioa.
Oraindik ere, operazioak eta ikerketak zabalik diraute, Galiziako Zerga Administrazioko ordezkariak aurreratu duenaren arabera.
Albiste gehiago gizartea
Iruñeak agur esango die gaur San Fermin jaiei, 'Gaixoa ni' abestuz
Gauerdian, Udaletxeko plazan zain dagoen jendetzak zapi gorria askatuko du bederatzi jai-egunen ondoren, eta ospakizunen amaierak eragindako nostalgia-sentimendua nagusituko da.
Eraso sexisten kontra, gelditu egin dira Iruñea eta sanferminak
Ehunka pertsonek erantzun diote hainbat kolektibo biltzen dituen Indarkeria Sexistaren aurkako Emakumeen Plataformak egindako deialdiari eta Gazteluko plazara joan dira jaietan gertatu diren eraso sexistak salatzeko. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.