Asilo eskaerak iaz halako bi izango dira 2019an Euskadin
Urteko lehen bost hilabeteotan 2.075 pertsonak egin dute asilo-eskaera Euskadin, iaz urte osoan baino 500 gehiagok. Hori horrela, 2019 amaitzerako, eskaerak 2018an egindako halako bi izango direla uste du CEAR Euskadik. Izan ere, "mitoa edo ustea beste bat bada ere", errefuxiatuen etorrera ez da gelditu.
"Behartutako exodo handienaren aurrean gaude. Munduan 70 milioi pertsonak utzi behar izan dute euren bizitokia" gatazken, indarkeriaren edota giza eskubideen urraketen ondorioz, esan du Javier Galparsoro CEAR-Euskadiko presidenteak.
Galparsorok prentsaurrekoa eman du gaur Patricia Barcena erakundeko zuzendariarekin batera, EAEn asilo-eskaera egin duten datuak jakinarazteko (ostegunean Errefuxiatuen Nazioarteko Egunaren karietara).
Rewarden bidaia
Prentsaurrekoan Reward 22 urteko nigeriarra izan da. Jaioterritik ihes egin, eta lau saiakeraren ostean, duela urtebete Aquarius ontzian iritsi zen Valentziara. Euskadin bizi da gaur egun, harekin etorritako beste zazpi lagunekin batera, eta asilo eskaera eginda du. Reward gaztelera, euskara eta informatika ikasten ari da.
Gazte nigeriarra, CEAR-Euskadiko ordezkariekin. Argazkia: EFE
Kontatu duenez, Nigeriatik irten zela, jazarpenetik ihesi. Hainbat herrialde zeharkatu ostean, Libiara heldu zen. Bertan, "baldintza latzetan" lan egitera behartu zuten. Hiru urte eman zituen han, eta lau aldiz saiatu zen ihes egiten —bidaiatzeko erabilitako plastikozko ontzia birritan hondoratu zen, eta hirugarrenean, harrapatu eta Libiara itzularazi zuten—. Bosgarren saiakeran Aquarius ontziak erreskatatu zuen.
"Desesperatuta geunden Maltak eta Italiak ontzia hartu nahi ez zutelako. Espainiara heldu ginenean bizitza duin bat edukitzeko aukera nuela sentitu nuen, baina gogoan ditut bidean geratu direnak", esan du.
Eskari uholdea
Reward asilo eskaera noiz erantzungo zain dago, 2018an hala egin zuten gainerako 1.595ek bezalatsu. Aurtengo lehen bost hilabeteotan, asilo eskaerek goranzko joera izan dute eta 2.075 erregistratu dituzte —iazko urte guztian baino 500 gehiago—, beraz, litekeena da urtea amaitzerako 2018 halako bi izatea. Espainiako Estatuan, 46.596 eskaera izan dira maiatzaren 31ra arte.
Venezuelakoak, Nikaraguakoak, Kolonbiakoak eta Honduraskoak dira eskatzaile gehienak.
CEAR-Euskadiko zuzendariak azaldu duenez, asilo eskatzaileek harrera zerbitzuan plaza bat eskuratzen duten arte zentro batean sartzen dituztela. EAEn, adibidez, Oñatiko Larraña Etxea dago (urrian zabaldu zuten, eta ordutik 161 laguni eman die aterpe). Laster beste bat zabalduko dute Tolosan.
Gehienak Saharaz azpiko gizon gazteak dira, 20-30 urte artekoak.
Barcenaren esanetan, EAEn "eginahalak" egiten ari dira errefuxiatuak hartzeko, baina ez da nahikoa. Gaur gaurkoz, 930 lagun daude plaza baten zain.
Galparsoro, bestalde, asilo eskaerei emandako erantzunaz mintzatu da. Azaldu duenez, % 75 baztertzen dira, eta denboran asko luzatzen da erantzuna, sistema "kolapsatuta" dagoelako. "Abantaila" bakarra dago, eskaerak erantzuten direnerako eskatzaileak gizartean errotuta daude, eta bizileku baimenak erregularizatzeko aukera dago.
Zure interesekoa izan daiteke
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".