Bidean dauden migratzaileei harrera hobea egiteko plana prestatu du Jaurlaritzak
Eusko Jaurlaritzak, Gurutze Gorriaren eta Bilboko, Donostiako, Gasteizko eta Irungo udalen laguntzarekin, bidean dauden migratzaileei harrera hobea egiteko plana prestatu du. Iazkoa kontuan hartuta, egun bakarrean 250 pertsona hartzeko azpiegitura du prest Jaurlaritzak, baina behar izanez gero, 500 baino gehiago hartzekoa ere bai.
Plan horren nondik norakoak aurkeztu dituzte gaur Jonan Fernandez Eusko Jaurlaritzako Giza Eskubide, Bizikidetza eta Lankidetza idazkari nagusiak eta Lide Amilibia Gizarte Politiketako sailburuordeak. Nabarmendu dutenez, plan irekia da, ekarpenak izanez gero eta egoera berrietara moldatzeko prest.
Hiru egoera aurreikusi dituzte: aurrenekoa, litekeena, egun bakarrean 250 pertsona heltzea. Kasu horretan, prest egongo dira Bilboko (100 toki), Irungo (60), Donostiako (25) eta Gasteizeko (65) aterpetxeak. Horrez gain, beharrezkoak badira beste 50 lagunentzako tokia izango da Berrizko eta Oñatiko zentroetan.
Bigarren egoera batean, "posible" jo dutena, 500 migratzaile hel daitezke egun bakarrean. Halakorik gertatzekotan, Bilboko eta Donostiako aterpetxeetan 150 lagunentzako tokia egingo lukete, eta Gasteizekoan eta Irungoan, 100 pertsonentzat, hurrenez hurren.
Hirugarren egoera bat aurreikusi dute, "salbuespenezkotzat" jo badute ere. Heldutakoak 600 baino gehiago balira, Araban, Bizkaian eta Gipuzkoan zazpi kokaleku aterpetxe bihurtzeko modua aurkitu du Jaurlaritzak.
Gurutze Gorriaren datuen arabera, 2018ko ekainetik 2019ko martxora Euskal Autonomia Erkidegotik (EAE) Europara bidean ziren 8.662 migratzaileri eman zaie arreta. Horietatik % 95ek bost egun igaro aurretik utzi zuten EAE; beraz, 325 lagun baino ez ziren geratu bost egun baino gehiago, eta horietatik 150 bi aste baino gehiago egon ziren Euskadin.
Eusko Jaurlaritzako ordezkariak, prentsaurrekoan. Argazka: Irekia
Amilibiak azaldu duenez, iaz bezala, uztailetik urrira espero dute etorkin gehien.
Eusko Jaurlaritzako arduradunek zehaztu dutenez, kontingentzia plan hori bidean dauden migratzaileei zuzenduta dago. Horietako batek asiloa edo nazioarteko babesa eskatuko balu, edota egoera zaurgarrian egongo balitz, beste neurri batzuk hartuko lirateke.
Igarobidean dauden migratzaileei honakoak eskaintzen zaizkie, besteak beste: osasun azterketa, senitartekoekin harremanetan jartzeko bideak, otorduak, eta gehienez, bost egunez lo egiteko ohea.
Zure interesekoa izan daiteke
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.
Eklipsea ikusteko planik gabe? Adi ekitaldi historiko honetaz gozatzeko proposamen hauei
Aukera zabala dugu Euskal Herrian: itsasotik, mahasti batetik edo gure gailurretatik nahiz gidatutako behaketa batean teleskopioz, besteak beste, ikusi dezakegu abuztuak 12ko eklipsea.
Gasteizko tranbia ez da erdigunetik ibiliko irailera arte
Alaba Jeneralaren eta Independentzia kaleen urbanizazio-obrek eragin dute mozketa; bertan, besteak beste, zoladura homogeneoa jarriko da, bideen zati bat berriztuko da eta hainbat konponketa egingo dira.
Eguzki-eklipse osoen inguruko lau sekretu txundigarri
Ba al zenekien Antzinako Grezian eklipseek iragartzen zuten mekanismo bat zutela? Eta eklipseek iraungitze-data dutela? Eklipseen inguruko bitxikerietako batzuk bildu ditugu hemen.