5.000 lagunek bisitatuko dituzte Elkanoren omenez Getariara heldutako ontziak
Ehun bat ontzi iritsi ziren atzo Getaria, Juan Sebastian Elkano euskal itsasgizonaren jaioterrira, 'Elkanoren Zeruetza' programaren baitan. Ekimenaren helburua, orain 500 urte 'Victoria' nao ontzian munduari lehen itzulia ematea lortu zuten Elkanori eta harekin zihoazen 17 kideei omenaldia egitea da.
Atzo ikusmin handia sortu zuten ontziek eta gaur jendetza espero da Getarian, agortuta baitaude ontziak ikusteko sareratu dituzten 5.000 txartelak. 4.200 lagunek Espainiako Armadaren Juan Sebastian Elcano eskola-ontzia bisitatuko dute eta beste 800ek EHUko Saltillo, Lucretia eta Mater.
10:00etan hasi dira Elcano, hiru masta eta ehun metro baino gehiagoko luzera duen ontzia bisitatzen.
Gaurko egunez hitzaldiak, erakusketak, tailerrak, gastronomia ekintzak etab. ere izango dira portuan.
20:00etan amaituko dira ekitaldiak, Armadako ontzia irtetearekin batera. Bihar eta etzi Getxon izango da ikusgai.
Argazkia: Maria Agirre | Euskadi Irratia
Protestak eta kritikak
Omenaldiak kritika handiak sortu ditu euskal gizarteko hainbat sektoretan, baina. Batetik, "Elkanori Bira" herri ekimena sortu dute hainbat elkartek eta eragilek, Joan Sebastian "Elkanoren eta historia eurozentristaren inguruan hausnarketa bultzatzeko eta orain arte historiak isilarazitakoak lehen lerrora ekartzeko", hau da, "emakumeak, jatorrizko herriak eta inperialismoaren kalte zuzenak sufritu eta sufritzen dituztenak".
Ekimenarekin bat egin eta manifestua sinatu duten lehen ehun norbanakoen artean daude, besteak beste, Uxue Alberdi eta Miren Artetxe bertsolariak, Amelia Barquin eta Asier Blas EHUko irakasleak, Eñaut Elorrieta eta Patxi Saiz musikariak, Santiago Alba Rico filosofoa, June Fernandez eta Mikel Aramendi kazetariak, eta Kattalin Miner, Hedoi Etxarte, Iban Zaldua eta Joxemari Esparza idazleak, kazetari, historialari eta mugimendu feministako zein mugimendu internazionalistako hainbat lagunekin batera.
Ekimenarekin eta manifestuarekin bat egin duten talde, elkarte eta eragileei dagokienez, Euskal Herriko Bilgune Feminista, Euskal Herriko Emakumeen Mundu Martxa, Askapena, Komite Internazionalistak, LAB, ELA sindikatuaren Manu Robles Arangiz fundazioa, Euskadi-Cuba elkartea, Euskal Herrian Euskaraz, Getariako Eskubide Sozialen Karta eta Getariako Gazte Asanblada, KEM-MOC talde antimilitarista, Ongi Etorri Errefuxiatuak edota Mugarik Gabe gobernuz kanpoko erakundea ageri dira, hainbat herri eta eskualdetako talde feministekin eta beste hainbat eragilerekin batera
(Manifestuaren hainbat pasarte):
Espainiako Gobernuak eta Araba, Bizkaia eta Gipuzkoako hainbat erakunde publikok “gizon horien balentria” omentzeari ekin diote, datozen hiru urteetako ospakizunei hasiera emanda. Horretarako Elkano marka prestatu dute.
“Elcanorena, Espainiako Armadak inoiz egindako balentriarik handiena” dela diote Espainiatik, eta horren erakusgarri da armada jarri dutela Elkano omentzeko ekitaldien antolakuntzaren buru.
“Euskal izaeraren eta teknologiaren ikur” eta “gure herriaren enbaxadore” bilakatu nahi dute Elkano “Basque Country around the world” saltzeko. Gaur egungo interes politiko eta ekonomikoen arabera moldatu nahi dute historia. Eta horretarako dirutza publikoa inbertitu dute kontakizun ofiziala indartzeko, hainbat kultur adierazpenen bitartez: zinema, musika, telebista, antzerkia, kongresuak, kirola…
“Amerikako aurkikuntzaz eta kulturen arteko topaketaz” mintzo zen 1992ko mendeurrenarekin egin zutena ez dugu berriz gertatzea nahi. Are gutxiago Euskal Herriaren izenean. Joan Sebastian Elkano heroi gisa aurkezteak eta saltzeak, boterearekiko eta interes politikoekiko loturetatik aparte, gure historiaren jabe ez izatera zigortzen ditu herritarrak.
Gure burua ispilu aurrean paratuz, zer izan nahi dugun eta gainerako gizakiekin nolako harremana izan nahi dugun hausnartzea hobesten dugu. Testu hau sinatzen dugunok, hausnarketa kritiko eta publikoa eragin nahi dugu, bulego batzuetan aurrez diseinatutako marketin kanpainen eta lustre handiko ekitaldien distiratik kanpo.
Europar konkistatzaileek “aurkitutako” lurrak eta menperatu zituzten pertsonak ez dira abentura epikoak edertzeko apaingarriak. Historia eurozentristak urte luzez ahanzturara zigortutakoak lehen lerrora ekarri nahi ditugu: emakumeak, jatorrizko herriak eta inperialismoaren kalte zuzenak sufritu eta sufritzen dituztenak.
Ongi Etorri Errefuxiatuak taldeak, bere aldetik, hainbat protesta deitu ditu gaurko Getarian. "2022an, 500 urte beteko dira Juan Sebastian Elkanok munduari buelta eman ziola, itsas muga ezezagunak zabalduz. Gaur egun, 2019an, muga horiek itxi egiten dira, eta milaka eta milaka pertsona hiltzen uzten dira, askatasunez zirkulatzeko eskubidea, besterik ez, egikaritzen ari direnak. Europar Batasunak, Giza Eskubideei eta itsas salbamenduari buruzko Nazioarteko Lege eta Itun guztiak urratuz, kriminalizatu egiten ditu ontzi solidarioen bidez pertsona horien bizitzak salbatu nahi dituzten pertsonak·" salatu dute.
Protesta Getarian. Argazkia: Maria Agirre | Euskadi Irratia
11:00etan performance bat egin dute Malkorbe hondartzan eta 12:00etan kalejira bat egin dute hondartzatik Aldama parkera eta elkarretaratzea egin dute han.
Zure interesekoa izan daiteke
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.
Osakidetzan artatutako Gazako haurra egonkor dago, lehen balorazioak egin ondoren
Pazienteak sortzetiko begi-patologia du, eta ikusmen-gaitasunari eragiten dio. Lehen probak egin ondoren, adituak pronostikoa hobetzeko esku hartzeko aukeraren alde egitekotan daude. Euskal osasun-sistemak 28 gazatar artatu ditu dagoeneko.
Euskadin 1970az geroztik izandako ekainik beroena izan da, ezohiko bero-bolada baten ondorioz
Muturreko beroa batez ere ekainaren 21etik 27ra bitartean izan zen. Bero-bolada horrek 44 °C-tik gorako tenperatura maximoak utzi zituen Euskal Herriko hainbat txokotan, baita hainbat gau tropikal ere. Egoera hain izan zen larria, EAEn 39 alerta meteorologiko baino gehiago aktibatu baitziren; horien artean, 3 alarma gorri.
Angeriñe Elorriaga, USaPeko Euskara azterketako zuzentzailea: "Zeroa atera daiteke"
Angeriñe Elorriaga EHUko irakasle eta USaPeko Euskara azterketako zuzentzaileak azaldu duenez, zeroak Euskaran ez ezik beste ikasgai batzuetan ere egon badaude. Radio Euskadin egin dioten elkarrizketan azaldu duenez, EHU eta gainerako erakundeen babes falta sentitu du. Datorren urtean ez da zuzentzaile ariko.