Abuztuaren 23tik 26ra Biriatutik eta Behobiatik ez pasatzeko gomendatutako ibilbideak
Abuztuaren 23tik 26ra Biriatutik ez pasatzea aholkatu dute Eusko Jaurlaritzako Trafiko Zuzendaritzak zein Espainiako Trafiko Zuzendaritza Nagusiak (DGT), egun horietan Biarritzen G7aren goi-bilera egingo baitute. Politikoki, ekonomikoki eta militarki garrantzitsuenak diren herrialdeetako ordezkariek hartuko dute parte bilera horretan.
Eusko Jaurlaritzak, esaterako, operatibo berezia jarri du martxan zirkulazioan izan daitezkeen arazoei aurre egiteko, "manifestazioak, blokeoak eta auto-ilarak" espero baitira egin horietan.
Baionako eta Biarrizko tren-geltokiak eta aireportua ere itxita izango dira G7aren bilera dela eta. Halaber, Biarritz inguruko errepide nagusiak zarratuta egongo dira, eta A63a erabiltzeko gomendatu diete bertakoei (doakoa izango da hainbat lekutan). Autobidea ez erabiltzeko eskatu diete gainerakoei.
Hauek dira gomendatutako hautazko ibilbideak Donostiatik zein Iruñetik Biarritzera joateko.
Donostia-Biarritz, ordainlekua saihestuz
Donostiatik Biarritzera joateko gomendatutako hautazko ibilbidea honako hau da: GI-636 errepidea hartu Hondarribia/Irun/Baiona noranzkoan. Herrialde-mugara helduta, D810 errepidea hartu eta jarraitu horretan 39,6 kilometro Bidart udalerrian dagoen helmugaraino. Bertan, Biarritzeko etorbidea/D911 hartu 5,5 kilometroan Biarritzeraino.
Donostia eta Biarritz arteko google mapsen ibilbidea
Iruña-Biarritz
Iruñetik Biarritzeraino bidesaririk ordaindu gabe joateko, berriz, Irungo errepidea N-121-A hartu eta jarraitu N-121-B errepidetik. Frantziako mugara heltzean, D20 errepidean Souraïde, France udalerriko Chemin de Banecau/D88 hartu 76,1 kilometroan. Jarraitu D88 errepidean. Hartu Route Hardoia/D250 errepidea Ustaritz udalerriko Route de Bayonne/D932 aldera (11,3 km). Ondoren, jarraitu D932 errepidean. Hartu Route de Pitoys eta Boulevard du Bayonne Anglet Biarritz/D260 errepidea Biarritz udalerriko Avenue de Verdun aldera (14,5 km).
Iruñea eta Biarritz arteko google mapsen ibilbidea
Beste aukera bat N-135 errepidea hartzea da, D933tik jarraitu D918raino eta azkenik D932 errepidea jarraituz Biarritzeraino heldu.
Iruñea eta Biarritz arteko google mapsen ibilbidea
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.