3 kilometroko auto-ilarak N-1ean, Villabona parean, bi istripuren ondorioz

N-1ean, Villabona parean, Gasteizerako bidean, izandako bi istripu direla eta, 3 kilometroko auto-ilarak sortu dira ostegun goizeko 09:00ak aldera, Trafikok Twitter sare sozialean jakitera eman duenez eta Eusko Jaurlaritzaren iturriek eitb.eus-i baieztatu diotenez:

Lehen istripua 08:15 aldera jazo da, eta hiru ibilgailu izan dira tartean. Ezkerreko erreian geratu dira, zirkulazioa eragozten, eta, ondorioz, minutu batzuk geroago, beste ezbehar bat izan da, furgoneta baten eta auto baten artekoa. Horrela, 09:00ak aldera, auto-ilarak 3 kilometrokoak ziren 443 kilometro puntuan, eta errei bat itxita zegoen.

Pertsona bat zauritu da bigarren istripuan, baina ez dute horren osasun-egoeraren berri eman.