3.000 emakume ari dira parte hartzen Euskal Herriko V. Jardunaldi Feministetan
3.000 emakume, hiru egun, bost ardatz, 38 mahai-inguru, 70 tailer... Horiexek gaurtik igandera Durangon, Landako Gunean, egiten ari diren Euskal Herriko V. Jardunaldi Feministen zenbakiak. Salda, egon, badagoelako (hori da, hain justu, hitzorduari jarri dioten leloa): badagoelako zer hausnartu, eztabaidatu, ospatu, eta zertan aurrera egin.
11 urte dira Euskal Herriko Mugimendu Feministak azken jardunaldiak antolatu zituena. 1.300 emakume batu ziren orduko hartan Portugaleten antolatutako zitan. Ordutik, feminismoak agendan sartzea lortu du, kaleak bere egin ditu, eta bi urtez, greba feminista arrakasta handiz egitea lortu du.
Dena dela, aurrera pauso horiek arriskua ere ekar dezaketela jakin badaki mugimendu feministak. Ainhoa Olaso antolatzaileetako batek ETB1eko "Egun On Euskadi" saioari eskainitako adierazpenetan ohartarazi zuenez, "badago arriskua gure diskurtsoa azalean utzi nahi izatea, edo merkantilizatzea. Zuriketa more horren aurrean, borroka deseroso eta errebeldea aldarrikatu nahi dugu guk".
Azken urteotan gertatutakoaren hausnarketa partekatua egiteko bilduko dira, bada, feministak, baita datozen urteetarako ildo nagusiak ezartzeko ere. Jardunaldiak bost ardatz edo lan ildoren baitan antolatu dituzte: mugimendu feministaren erraiak, bizitzak erdigunera eramateko agenda, indarkeria matxista, gorputzak eta dekolonialitatea, eta sexualitatea.
Amaia Zufia antolatzaileetako batek Euskadi Irratiari azaldu dionez, gaioi heltzeko eskaintza "zabal eta malgua" prestatu dute. "Egongo dira mahai-inguru edo ponentziak, baina baita honakoak ere: tailerrak, erakusketak, ikuskizunak, eztabaidak, hitzaldiak, gorputz mugimendurako espazioak, bazkari herrikoiak, gaueko kontzertuak...". Igandean, 16:30ean, "mobilizazio handi bat" egitea aurreikusi dute, itxiera ekitaldi batekin amaituko dena.
3.000 emakumetik gora biltzeak "kriston indarra" emango diela uste du Zufiak. Izan ere, jardunaldiak "aurrera begirako estrategia komunetan eztabaida eta adostasun batzuk topatzeko mugarria izatea" nahiko lukete, eta hori horrela, Durangora hurbiltzeko deia egin die herritarrei, "historikoa" izango da eta.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.