Nafarroak Euskaraldiaren bigarren edizioarekin bat egin du
Ana Ollo Nafarroako Gobernuko Herritarrekiko Harremanetarako kontseilariak Euskaraldia ekimenaren bigarren edizioa aurkezteko Foru Erkidegoan izan den ekitaldian parte hartu du larunbat honetan. Ekimena 2020ko azarotik abendura izango da. 2018ko lehn Euskaraldian 22.190 nafarrek eta 75 udalerrik, bailarek edo auzok parte hartu zuten.
Ollok adierazi duenez, "gai guztietan bezala, euskararen sustapenean ere partekatutako lana eta elkarlana funtsezkoak dira", eta duela gutxira arte lankidetza normalizatua "bideraezina" zela gogorarazi du.
"Denok altxor komun bat partekatzen dugu, euskara, eta horren alde egin behar dugu, inguruko eskualdeekin, beste erakundeekin edo hizkuntza horren alde lan egiten duten erakundeekin batera", azpimarratu du Ollok.
Bigarren edizioak eremu digitalean ekarriko dituen berrikuntzak azpimarratu ditu kontseilariak, eta Nafarroan gazteen % 25 euskaldunak direla nabarmendu du: "Erakutsi behar diegu euren eremu naturalean, teknologikoan, euskaraz goza dezaketela".
Euskararen plan estrategikoa
Mikel Arregi Euskarabideko, Nafarroako Euskararen Institutuko, zuzendariak gogorarazi du Euskaraldiaren helburu nagusiak Euskararen I. Plan Estrategikoaren ardatzekin lerrokatuta daudela. Arregik adierazi du euskararen erabilera aktibatzea zela lehen planaren helburu nagusietako bat, orain, ebaluazioaren zain dagoena.
Hurrengo egitasmoan lan egiteko, "euskara gero eta gehiago erabiltzea" helburu duten ekimenak bultzatzen jarraitzea beharrezkoa dela defendatu du.
Euskaraldiaren bigarren edizioa 2020ko azaroaren 20an hasi eta bi aste geroago, abenduaren 4an amaituko da. Helburu bikoitza izango du; batetik, hizkuntza ohiturak aldatzea, eta bestetik, euskararen erabilera gehiago bultzatzea.
Edizio honetako berrikuntza nagusietako bat "ariguneak" izango dira. Gune horiek euskaraz hitz egiteko aukera bermatuko dute, euskararen erabilerarako ingurune egoki gisa eratuak. Hortaz, ariketa soziala taldean garatu ahal izango da.
Zure interesekoa izan daiteke
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.