'Ocean Viking' itsasontzian dauden 159 pertsonak gaur lehorreratuko dira Taranton
Oraindik 'Ocean Viking' itsasontzian dauden 159 pertsona Taranton lehorreratuko dira. Mugarik Gabeko Medikuak (MSF) eta SOS Mediterranee GKEk kudeatzen dute erreskate ontzia.
Igandean eman zuen berria Mugarik Gabeko Medikuak elkarteak Twitterren: "Erreskatatutako 159 pertsonei 'Ocean Viking' itsasontzia, bihar, Taranton (Italia) lehorreratu ahalko dela jakinarazi diete"
Berria jaso zutenean itsasontzia Sizilia ekialdean zegoen, eguraldiaz babesteko eta portu seguru batean lehorreratzeko baimenaren zain. Itsasontzian dauden lagunen artean haurdun dauden bost emakume eta zortzi haur daude.
"41 adin txikiko daude itsasontzian, horien artean zortzi haur hauek. Egoera egonkortu den arren, autoritate eskudunei, ahal bezain laster, portu seguru bat emateko eskatu diegu", adierazi zuen itsasontzian dagoen Aloys Vinard-ek, Mugarik Gabeko Medikuak GKEko koordintzaileak. Adierazpen horiek egin eta ordu gutxira, behaketa medikuan zegoen emakume bat eta haren semea lurrera eraman dituzte, helikopteroz.
Koordinatzaileak baieztatu du erreskatatutako pertsona gehienak Libiako atxilotze zentroetatik ihes egindakoak direla: "Euren ongizaterako ihesaldiak dituen arriskuez jakitun dira eta asko larritzen gaitu. Egoera oso larria da, neguan gaude, bete-betean, eta hala ere Libiatik ihes egiten dute".
Ostiralean 112 lagun erreskatatu zituzten Libiako mendebaldetik 23 miliatara, tartean 24 emakume (hiru haurdun) eta 38 ume (batzuk hiru hilabetekoak). Larunbatean, zortzi orduz bila ibili ostean, beste 62 lagun erreskatatu zituzten Maltako salbamendu gunean.
Zure interesekoa izan daiteke
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.