Albiste dira

Abisu horia ezarri dute izotzagatik, igande goizalderako

Gauerditik igandeko 10:00ak arte egongo da indarrean abisua. Gaur, Agurainen erregistratu da EAEko tenperaturarik hotzena, goizaldean: 4,5 gradu zero azpitik.

Hotza Gasteizen, eguna esnatzean. Argazkia: EFE

AGENTZIAK | ERREDAKZIOA

2019/12/28 - 18:38

Azken eguneratzea

2019/12/28 - 19:01

Eusko Jaurlaritzako Segurtasun Sailak abisu horia ezarri du igande honetarako, izotza egingo duelako Euskadiko barnealdean, bereziki Araban.

Izotza dela eta, abisua indarrean egongo da 00:00etatik goizeko 10:00ak arte. Izozteak laino bankuekin batera gerta daitezke zenbait lekutan.

Gaurko egunari dagokionez, Agurainen (Araba) izan dute Euskal Autonomia Erkidegoko tenperaturarik baxuena: 4,6 gradu zero azpitik, hain zuzen ere. Arabako Navarreten (-3,5) eta Abetxuko-Gasteizen (-1,7) ere tenperatura oso baxuak izan dtuzte.

Bizkaian, Otxandion eta Balmasedan -2,5 gradu izan dira, eta Trebiñun, Albainan (-5,1).