Gaztelugatxen egingo den aparkalekua 'mesedegarria' dela uste du Bizkaiko Aldundiak
Elena Unzueta Iraunkortasuna eta Ingurune Naturala Sustatzeko Bizkaiko diputatuak astelehen honetan, urtarrilaren 13an, Bizkaiko Batzar Nagusian azaldu duenez, Gaztelugatxeko sarbideetan eraikitzea aurreikusten den aparkalekuari buruz Saileko teknikariek egindako ingurumen-ebaluazioaren txostenak ondorioztatzen du ez dela "ondorio kaltegarririk" ematen, eta, beraz, "mesedegarria" dela.
Elena Unzuetak agerraldia egin du Foru Ganberako Iraunkortasunaren eta Ingurune Naturalaren Batzordean, Elkarrekin Bizkaiak eta EH Bilduk eskatuta, Gaztelugatxeko Urizarreta aparkalekuak ingurumenean duen eraginari buruz egindako txostenaren berri emateko.
Ohar baten bidez jakinarazi dutenez, diputatuak azaldu du departamentuko teknikariek egindako ingurumen ebaluazio txostenak adierazi du ez dagoela "ondorio kaltegarririk", ez dituela isurketak handituko, eta, beraz, "aldeko txostena" lortu dutela.
Unzuetak berretsi duenez, aparkalekuak 51 turismo, bi autobus eta bizikletentzako lekua izango du, eta "garraio pribatuaren erabilera ahultzea" du helburu."Gune turistiko handia bihurtu da", eta joan den udan 235.000 bisitari izan zituen.
Iratxe Arriola EH bilduko batzarkideak Aldundiari "proiektua klima aldaketaren estrategian sartzen den" galdetu dio, eta kritikatu du "ingurua artifizializatu" egiten dela. Hori dela eta, Bermeoko eta Bakioko udalerrietatik Bizkaibuseko anezkak martxan jartzeko eta Gaztelugatxera oinez edo bizikletaz iristeko bide bat eraikitzea eskatu du.
Xabier Benito, Elkarrekin Bizkaiko ahaldunak, ohartarazi du proiektua "ideia txarra" dela, "inbertsio izugarria delako ezeri irtenbiderik ez emateko eta ingurumen arrazoiengatik, ez duelako ibilgailu pribatuaren erabilera murriztuko".
Eduardo Andrade PPko batzarkideak ohartarazi du Aldundiaren proiektua "ia atzeraezina den ingurumen inpaktu larriko obra" dela.
Gobernu taldea osatzen duten alderdietatik Gorka Beitia EAJko batzarkideak eztabaida "termino politikoetan" garatu izana kritikatu du, eta ez teknikoetan; aldiz, Amaia Rebollo PSEko ahaldunak adierazi du bere alderdiak aurkeztutako txostena aztertuko duela.
SOS Gaztelugatxek ingurumenaren gaineko eraginari buruzko txostenaren falta salatu du
SOS Gaztelugatxek salatu duenez, Bizkaiko Foru Aldundiak oraindik ez du ingurumen-inpaktuaren inguruko txostenik aurkeztu. Gaztelugatxeko biotopotik metro gutxira aparkaleku bat eraikitzea aurreikusten duen proiektuaren txostena aurkeztea "ezinbestekotzat" jotzen du.
Gaur egun, Gaztelugatxe helmuga turistiko gisa hainbat urtez sustatu ondoren, ingurumenarekiko duen eragina erakusten duen plan osatu bat ez dela aurkeztu adierazi du ohar batean mugimenduak, Aldundiak "Bakioko eta Bermeoko herritarren galderei eta kezkei erantzun gabe" jarraitzen duela azpimarratu du.
Unzuetak Bizkaiko Batzar Nagusian egindako agerraldiaren harira, SOS Gaztelugatxek adierazi du foru arduradunak "berriz ere huts egin" duela. "Gutxieneko autokritikarik gabe, Gaztelugatxeko biotopotik metro gutxira aparkaleku bat eraikitzea aurreikusten duen foru proiektua irakurtzera mugatu da", adierazi du.
Era berean, "gainerakoei haien akatsak leporatzea" egotzi dio. "Bitxia da foru diputatuak autoentzako aparkalekua autobusentzako aparkaleku bihurtzeaz hitz egitea, proiektua berregiteko beharra aipatu gabe. Foru proiektuak ez du zehazten aparkalekua iragankorra den ala ez, baizik eta ibilgailu pribatuentzako 51 aparkaleku izango dituela", ondorioztatu du.
Aparkalekua Urizarreta gunean
Urizarretako sarbidean bi jarduketa barne hartuko dituen proiektua garatuko da: Bata, ibilgailuei zuzendutako 51 plazako aparkalekua; eta bestea, gaur egungo aparkalekua birmoldatu eta autobusentzako aparkaleku bihurtzea. Hala, garraio kolektiboko sistemetarako nahiz garraiobide jasangarrietarako (bizikleta, adibidez) irisgarritasuna ere hobetu egingo da.
Oraingo aparkalekuaren berrantolaketa 24 aparkaleku kendu eta autobusetarako bi plaza nahiz bizikletentzako gune bat egokitzean datza. Gainerako eremuan espaloiak eta berdeguneak egongo dira. Lizitazioaren aurrekontua 991.764 eurokoa da, eta egikaritzeko epea 13 hilabete da.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.