Nazioarteko elkarte batzuek etxebizitza babesteko 'fronte komun' bat nahi dute
Etxegabetzeen aurkako Alemaniako, Frantziako, Errumaniako eta Euskal Herriko hainbat elkartek "etxebizitza babesteko borroka-fronte komun bat" sortu nahi dute; fronte horren asmoa litzateke "bizitzarako gune horiek" ez bilakatzea "funtsa putreek espekulatzeko moduko produktu finantzari konplexu".
Hain zuzen, Etxebizitza eta Hirirako Eskubidearen aldeko Europako Koalizioa Hernanin dago bilduta, asteazkenetik, igandera arte, eta horixe izan da elkarte batzuek adostutako ondorio nagusietako bat. Topaketa lehen aldiz ari dira egiten Estatuan. Bertan, Euskadiko Kaleratzeak Stop eta Frantziako, Alemaniako eta Errumaniako antzeko elkarte batzuek agiri bat aurkeztu dute ostiralean, gogora ekartzeko etxebizitza "arazo larria" dela: "Ehun mila milioi europarrek baino gehiagok pairatzen dituzten pobreziari eta gizarte-bazterketari eragiten die", zehaztu dute.
Testuinguru horretan, Frantziako "Droit au logement" taldeak, Alemaniako Kaleratzeak Stop Berlin elkarteak, Errumaniako Etxebizitzarako Eskubidearen aldeko Fronte Komunak eta Kaleratzeak Stop Euskadi taldeak azpimarratu dute "guztion arteko ekintza egiteko kointzidentziak" dituztela, Estatu bakoitzak dituen berezitasunak ere kontuan izanik.
Ildo horretan, Nazio Batuen Eskubide Ekonomiko, Sozial eta Kulturalen Batzordeak agindutakoa betetzea eskatu die administraritzei; agindu horren bidez, eskatzen zaie europar Estatuei "behartutako etxegabetzerik ez egoteko, baldin eta ez badago aldez aurretik beste aukera egoki bat".
Halaber, salatu dute gero eta nabariagoa dela "etxebizitzak behar direla"; galdegin dituzte hirietako erdiguneetako "turistifikazioaren" aurkako neurriak; "etxebizitzen parke publikoa pribatizatzeko" ahaleginen aurka egin dute; eta eskatu dute "legeak berak" mugatzea alokairuak.
Berlingo saiakuntza
Berlingo saiakuntza aztertu eta hari jarraitzearen aldeko apustua egin dute, halaber. Alemaniako hiriburuan, hain zuzen ere, etxeen % 85 alokairuzkoak dira (heren bat, pribatuak), eta herri-ekimeneko erreferendum bat ari dira proposatzen, etxeko jabe handiei milaka etxebizitza desjabetzeko, Konstituzio alemaniarra abiapuntu.
Topaketan izan direnek, halaber, eztabaidatu dute gastu handiagorik eskatu behar ote zaien "etxebizitza-arloan BPGaren % 1 baino gutxiago inbertitzen duten Estatuei", eta aztertu dituzte ekimen legegile batzuk; besteak beste, EAEko Etxebizitza Legea izan dute hizpide, "hutsik dauden etxebizitzen desjabetzea edo, halaber, behartutako alokairua baimentzen baititu". Kataluniako Lege Dekretu jakin bat ere izan dute eztabaidagai; horrek "bankuak eta etxebizitzen jabe handiak behartu egiten ditu arrazoizko alokairua eskaintzera, etxegabetzea gauzatu aurretik".
Hernanin, ekintzaileek gonbit egin diete herritarrei, arratsalde honetan Donostiako Boulevarden eta Jose Maria Sert plazan Kaleratzeak Stop elkarteak deitutako elkarretaratzeetan parte hartzeko. Elkarretaratze horien xedeak dira hiriaren turistifikazioa salatzea eta gaitzestea etxebizitzarekin espekulatzen duten inbertsio-funtsen jokabidea; halaber, eskatuko dute Benta Berri auzoko herritar baten aurkako etxegabetze-eskaera kentzea.
Zure interesekoa izan daiteke
Ezkabarteko sutea itzaltzeko lanek aurrera jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean izango dira. Zeregin nagusia sutearen perimetroa zaintzea eta garrak berriro ez zabaltzea izango da. Haizea eta iristeko zailak diren guneetako fokuak sutea kontrolatzeko lanak zailtzen ari dira, Nafarroako Gobernuko larrialdi zerbitzuek esan dutenez.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Marmokak daudela ohartarazi dute Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Uraren batez besteko tenperatura 21 gradukoa da.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.