Euskal erakundeek iragaitzazko migratzaileen arreta zerbitzua mantenduko dute 2020an
Beatriz Artolazabal Eusko Jaurlaritzako Enpleguko eta Gizarte Politiketako sailburuak adierazi du, Eusko Jaurlaritzaren mende dauden euskal erakundeek, 2020.urtean, Euskadira heltzen diren eta Europako beste herrialde batzuetara joatea helburu duten iragaitzazko migratzaileei arreta humanitarioa emateko Kontingentzia Plana mantenduko dutela.
2019an, esparru honetan, 4.244 pertsona artatu zituzten, 2018an artatu zituztenen -guztira 8.662-erdia baino gutxiago.
Artolazabalek Irungo aterpetxera egindako bisitan eman ditu datu horiek. Aitor Allende, Euskadiko Gurutze Gorriko koordinatzaile autonomikoa eta erakundeko hainbat ordezkari eta boluntario aldamenean zituela, aterpetxetik igarotzen direnei -2019an 3.465 pertsona- arreta ematen dieten pertsonek egindako lana azpimarratu du sailburuak.
2018az geroztik, euskal erakundeek, gizarte-entitateekin elkarlanean, iragaitzazko migratzaile horien etorrerari erantzun diote. Horretarako erakunde barruko mahai bat osatu zuten. Bertan, Eusko Jaurlaritzak, hiru Foru Aldundiek, Irun, Donostia, Gasteiz eta Bilboko Udalek, Espainiako Gobernuak Euskadin duen ordezkaritzak, Gurutze Gorriak, CEAR batzordeak, Caritasek, Munduko Medikuak erakundeak, eta SOS Arrazakeria elkarteak hartzen dute parte.
Gaur egun, Berrizko eta Irungo aterpetxeek egunerokotasunean ematen diren premia guztiei erantzuten diete; horretaz gain, pertsonen fluxu handiagoei erantzuteko prestatuta daude, ezustean etorritakoak ere, sailburuak azaldutakoaren arabera.
Espainiako Gobernuko Barne Ministerioaren azken txostenaren arabera, 2019ko urtarrilaren 1etik abenduaren 31ra, modu irregularrean itsasoz muga gurutzatu ondoren, Espainiara iritsitakoak guztira, 26.168 dira, 2018an baino % 54,5 gutxiago.
Euskadin, arreta jaso duten pertsonen kopuruak ere behera egin du, % 51,1, hau da, 2018ko 8.662 lagunetatik 2019ko 4.244 lagunetara pasatuz.
4.244 pertsonetatik 779 (% 18) Bilboko zerbitzuan artatu zituzten eta gainerako 3.465 pertsonak (% 82) Irungo zerbitzuan. Urtarrilean bakarrik, urte osoan artatutako pertsona guztien % 20 baino gehiago artatu zituzten.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.