Gidari batek bi txirrindulari, horietako bat Mikel Landa, harrapatu eta ihes egin du
Ertzaintzak auto baten gidaria atxilotu du arratsaldean, bi txirrindulari N-622 errepidean, Zigoitian (Araba), harrapatzea eta ihes egitea egotzita, Segurtasun Sailak jakitera eman duenez. Mikel Landa Bahrain McLaren taldeko txirrindulari arabarra biktimetako bat izan da. Atxilotuak positibo eman du droga proban, Segurtasun Saileko iturriek ETBri baieztatu diotenez.
Gainera, atxilotuak AP-1 autobidean, Burgosen, ordu batzuk lehenago izandako istripu batekin zerikusia ote duen ikertzen ari dira. Beste ibilgailu batekin talka egin ostean ihes egin du Gasteizko noranzkoan.
Ezbeharra 13:15 aldera gertatu da. Bi txirrindulariak N-622 autobidetik zihoazen Zigoitian, Bilboko noranzkoan, konkretuki Gopegiko eta Letonako irteerak lotzen dituen tartean.
Renault Megane autoak bi kirolariak harrapatu ditu, eta abiadura handian tokitik ihes egin du ondoren. Lekukoek istripuaren berri eman diete larrialdi zerbitzuei. Ondoren, osasun-langileak bertaratu dira, bi biktimak artatzeko.
Ezbeharraren tokian bertan artatu ondoren, 30 eta 42 urteko txirrindulariak Santiago ospitalera eraman ditu anbulantzia batek. Bestalde, Ertzaintza ihes egin duen ibilgailua bilatzen hasi da. Gutxi geroago autoa aurkitu dute, AP-68 autobideko bidesaritik gertu, Altuben.
Gidaria eta haren laguna identifikatu dituzte ertzainek. Atzerako ispiluak kalteak zituela egiaztatu eta istripuaren tokian aurkitutako puskekin alderatu dute. Ondoren, gidaria atxilotu dute.
42 urteko gizonari bide segurtasunaren aurkako delitua leporatu diote. Atxilotuak AP-1 autobidean, Burgosen, ordu batzuk lehenago izandako istripu batekin zerikusia ote duen ikertzen ari da Ertzaintza. Beste ibilgailu batekin talka egin ostean ihes egin du Gasteizko noranzkoan.
Landak istripuaren berri eman du sare sozialen bidez. "Goizean, lagun batekin entrenatzen ari nintzela, auto batek atzetik jo digu eta ihes egin du ondoren", azaldu du kirolari profesionalak.
"Datozen egunetan entrenamenduetara itzultzea espero dut", azaldu du Landak. Txirrindulari profesionalak ez du zauri larririk.
Zure interesekoa izan daiteke
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.