Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon bat atxilotu dute Gasteizen, emakume bati eraso egitea leporatuta

Atxilotua, epailearen esku geratu da goizean, genero indarkeria delitua leporatuta. Erasoa Sansomendi kaleko etxebizitza batean jazo da.

eitb.eus

Azken eguneratzea

Gasteizko Udaltzaingoak 53 urteko gizon bat atxilotu zuen atzo, osteguna, genero indarkeria delitua leporatuta, Udalak ohar baten bidez jakinarazi duenez.

Erasoa Sansomendi kaleko etxebizitza batean jazo zen, eta, biktimak, 092 telefono zenbakira deitu zuen gertatutakoa salatzeko.

Minutu batzuk geroago, ustezko erasotzailea etxetik gertu aurkitu zuten udaltzainek, eta han bertan atxilotu zuten.

Bitartean, beste patruila batek ospitalera eraman zuen emakumea, eta, geroago, salaketa jartzen lagundu zioten.

Atxilotua epailearen esku geratu da goizean.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Gasteizko Udala Indarkeria matxista Araba Tratu Txarrak Delituak Gasteiz Eguneko Titularrak Matxismoa

Zure interesekoa izan daiteke

Gehiago ikusi
Publizitatea
X