Asteazkenera arte egongo da indarrean alerta laranja bost metroko olatuengatik
Bost metro arteko olatuek kostaldean izan dezaketen arriskuagatik ezarritako alerta laranja asteazkenera arte luzatu da, eta lehen bi milietan nabigatzeko arriskuagatik ezarritako abisuekin bat egin du.
Larrialdiei Aurre Egiteko eta Meteorologiako Zuzendaritzak asteazken goizaldera arte luzatu du alerta laranja olatuengatik. Asteazken arratsaldean arriskua murriztuko da, eta abisu horia egongo da 18:00etatik 20:00etara, olatuen altuera ez baita 4 metrotik gorakoa izango.
Gaur, astelehena, 16:00etatik 19:00etara egongo da indarrean alerta, hau da, 17:39ko itsasgorarekin batera, 4 eta 4,5 metro arteko olatuekin.
Bihar, asteartea, bi alerta egongo dira kostaldean, 04:00etatik 08:00etara eta 17:00etatik 20:00etara, itsasgorarekin batera, olatuek 5 metroko altuera izan dezaketelako, baina abisu horia egongo da indarrean gainerako orduetan.
Asteazkenean ere, alerta laranja izango da 05:00etatik 09:00etara, eta abisu horia gainerako orduetan. Donostiako Pasealeku Berria itxita egongo da astelehen honetan, bai oinezkoentzat bai ibilgailuentzat, olatuek kostaldean izango duten eraginagatik.
Leizaola pasealekua eta Haizearen Orrazia ere itxi dituzte. Neurria asteazkeneko 10:00ak arte indarrean egongo da, Udalaren arabera.
Euria eta tenperaturen jaitsiera
Euskalmetek iragarri duenez, asteartean hodei ugari eta prezipitazio txikiak izango dira goizean, baina arratsaldetik aurrera euri pixka bat egin lezake, ipar-mendebaldeko haizea ibiliko da eta tenperaturak nabarmen egingo du behera: maximoak 14 gradukoak izango dira kostaldean, eta 12koak EAEko erdialdean eta hegoaldean.
Asteazkenean, euria egingo du egunaren lehen partean, batez ere isurialde atlantikoan, baina hodeiak desagertzen joango dira arratsaldean. Tenperaturak bere horretan jarraituko du, eta haizea ahul ibiliko da.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.