14 urteko adingabe bat zauritu da Espainiako Poliziaren operazio batean, Iruñean
Iruñeko Alde Zaharreko Jai Batzordeak ohar batean salatu duenez, Inauterietako kalejiran Espainiako Polizia auzoko "kaleetan indarkeriaz sartu" zen ostiralean, eta "14 urteko gazte bat harrapatu zuen".
Hala ere, Espainiako Poliziaren arabera, apustu-etxe baten aurkako erasoaren abisua jaso zuten, bertaratu eta zenbait pertsona identifikatu zituzten. Poliziaren ahotan, "adingabeak korrika egin eta erorikoa izan zuen", ETBk azaldu duenez.
Naiz-ek jakitera eman duenez, adingabeak ospitalean jarraitzen du larunbat honetan. Jai Batzordearen hitzetan, "harrapaketa baten ostean ezin da sekula zauritua mugitu", baina "ez zuten mugitu soilik, bere osasuna arriskuan jarriz, baita polizia-etxera eraman ere".
Jai Batzordeak adierazi duenez, une horretan, auzoko kaleak "Inauteritako ekitaldiengatik jendez lepo ziren; tentsioa eta beldurra eragin zuten".
"Poliziaren furgonetak abiadura handian sartu ziren gure auzoan, jolasten ari ziren txikiak eta familia guztiak arrisku handian jarriz", erantsi du Batzordeak. "Poliziaren presentzia eta jarrera" salatu ditu.
Horregatik, "zauritutako pertsonari, Jai Batzordeko eta Alde Zaharreko Gazte Asanbladako kideari", babesa adierazi diote. "Jarrera horiek ez dute tokirik", azpimarratu dute.
Bestalde, Iruñeko Ernai kolektiboak Espainiako Poliziaren aurka protesta egin du larunbat honetan.
Poliziaren furgoneta batek gaztea harrapatu duenik ukatu du Espainiako Gobernuak Nafarroan duen Ordezkaritzak. Espainiako Gobernuaren Ordezkaritzak jakitera eman duenez, mozorrotutako pertsona talde bat "jarrera oldarkorrarekin" sartu zen apustu-etxe batean eta beste denda batzuetan. Bertako jabeek Poliziari abisua eman zioten.
Bertaratu zirenean, poliziek zenbait lagun identifikatu zituzten, eta adingabe batek "korrika hasi eta estropezu egin zuen, baina ez zuten harrapatu", Ordezkaritzak erantsi duenez.
Poliziek "gaztea artatzeko anbulantzia deitu eta ez zuten polizia-etxera eraman", gaineratu duenez.
Bestalde, Eusko Alkartasunak Espainiako Poliziaren jokabidea salatu du, "nerabeak abiadura handian furgonetekin jazarriz eta gaztea harrapatuz". "Guztiz desegokia" ikusten du alderdi politikoak.
Horregatik, EAren ahotan, Espainiako Gobernuaren Ordezkaritzak "poliziak identifikatu eta erantzukizunak zehaztu" beharko lituzke.
"Abiadura handian egindako jazarpena eta San Frantzisko kalean adingabea harrapatu izana larria da", azpimarratu du EAk. "Espainiako Poliziak anbulantzia deitzeari uko egin zion, nerabe zauritua artatzeko", erantsi du.
"Espainiako Poliziak gaztea eraman zuen polizia-etxera, atxilotuta, eta han azkenean anbulantzia bat bertaratu zen, adingabea ospitalera eramateko", azaldu duenez.
EAren iritziz, horrelako ekintza polizialak "onartezinak dira edozein gizarte demokratikoan, eta horiek desagertzea lehentasun bihurtu behar dugu".
Azkenik, "gazte adingabearen eskubideak era baketsuan eta arduratsuan babesten saiatu zen" Maiorga Ramirez EA eta EH Bilduko parlamentaria, eta horren inguruan "hainbat komunikabidek egindako intoxikazio-kanpaina" salatu du EAk.
Zure interesekoa izan daiteke
Albiste izango dira: EITB Data cannabisaren kontsumoaren inguruan, gobernu bilera Bilboko Carlton hotelean eta Ekialde hurbileko azken ordua
Gaurkoan Orain-en albiste izango direnen laburpena, bi hitzetan.
Biztanleen % 44k baino ez dute uste cannabisa osasunerako arriskutsua dela; tabakoaren kasuan, berriz, % 96k
Cannabisaren arriskuaren pertzepzioa aztertutako drogen artean apalena da, EITB Datak jaso duenez. Pertzepzio apal hori haren prebalentziarekin lotuta egon daiteke, eta talka egiten du intoxikazioengatiko larrialdietako datuekin.
Cannabisaren kontsumoan hasteko batez besteko adina 18 urte ingurukoa da: 13 urterekin % 3k baino ez dute probatu; 19 urterekin, % 54k
Azken EITB Dataren arabera, gazteen adin-tarte guztietan gertatu da kontsumoaren beherakada. 15 eta 19 urte bitarteko gazteen % 9k baino ez dute cannabisa kontsumitu azken hilabetean; 2008an, berriz, % 20ra iristen zen kopurua.
Euskadi hirugarren autonomia erkidegoa da cannabis kontsumoan: biztanleen erdiak baino gehiagok probatu dute inoiz
Euskal Autonomia Erkidegoan, herritarren % 55ek diote “behin behintzat” kontsumitu dutela substantzia hori; Nafarroan, berriz, portzentajea % 45era jaisten da.
Oyarzabal: "Sevilla eta Kopa hau bihotzean eramango ditugu beti, baina zuen zoriontasuna ikusteak ez dauka preziorik eta horrekin geratzen gara”
Garrasiak, txaloak, malkoak eta zoramena Donostian. 100.000 lagun espero ziren Gipuzkoako hiriburuan Realeko jokalariei harrera egin eta Errege Kopa irabazi izana behar bezala ospatzeko, eta aurreikuspenak bete egin dira.
Pradales: “Futbolak zor zion Realari gaur bizitzen ari garen hau”
Bost urtean, euskal taldeek hiru kopa irabazi dituztela nabarmendu du Imanol Pradales lehendakariak; horietatik bi Realak eskuratu ditu. Hori horrela, euskal kirolak bizi duen garaia goraipatu du, “gure nortasunarekin bat datorrelako nola edo hala”.
Oñatiko campusean izandako sexu eraso saiakera bat ikertzen ari da Ertzaintza
Zientzia, Unibertsitate eta Berrikuntza sailburuak Unibertsitateak deitutako elkarretaratzean parte hartu du, eta nabarmendu du "edozein indarkeria motaren aurrean eta, jakina, sexu indarkeriaren aurrean" ezinbestekoa dela "erantzun irmoa ematea".
Egoera pertsonalarekin pozik, baina etxebizitzak eta gai ekonomikoek estutu egiten dituzte gazteak
Eusko Jaurlaritzaren Aurrera Begira txostenaren arabera, ongizate pertsonalaren indizeak 100etik 73 puntuko ebaluazioa du, baina areagotu egin da etorkizunarekiko ziurgabetasuna.
Lau urteko kartzela zigorra ezarri diote gizon bati, Iruñean, 10 urteko ikasle bati sexu erasoa egiteagatik
Auzipetuak ezingo du aurrerantzean biktimarekin hitz egin, ezta harengana hurbildu ere, eta zaintzapeko askatasunean egongo da bost urtez, behin espetxe zigorra beteta. Era berean, 10 urtean ezingo du adingabeekin beharrik egin, ordaindutako lana izan zein ez.
Gipuzkoa "irekia" da immigranteekin, eta bizikidetzari buruzko "iritzi positiboa" du
Aldundiak eta Begirune Fundazioak "Jarrerak, egoerak eta narratiba xenofoboak Gipuzkoan" txostena egin dute. Txosten horren arabera, % 8k uste dute inmigrazioa arazo bat dela.