EBk Greziaren alde egin du migratzaileen etorrera geratzeko ahaleginean
Europar Batasunak "ez du onartuko" Turkiaren eta Greziaren arteko mugan dauden migratzaileak eta errefuxiatuak herrialdera legez kanpo sartzea, eta hori eragozteko "beharrezko neurri guztiak" hartuko ditu, Europar Batasuneko Barne ministroek Bruselan egindako ezohiko bileran adostu dutenez. Zehazki, Turkiak migrazio-fluxua bertan behera uztea erabaki ostean hartu dute erabakia.
Adierazpen bateratuaren arabera, "Europako eta nazioarteko zuzenbidearen arabera" hartuko dira neurri horiek Turkiaren eta Greziaren arteko mugan, Atenasek mugan dauden errefuxiatuei asiloa eskatzeko duten oinarrizko eskubidea hilabetez eten ostean.
Errefuxiatuei babesa ukatuta, herrialdea nazioarteko zuzenbidea urratzen ari dela uste ote duen erantzutea saihestu du Bruselak igandetik, baina atzo egindako bileraren ostean, Greziako agintariek adierazpen bateratuaren konpromisoari eustea espero duela adierazi du.
Adierazpen bateratuan jaso dutenez, "ez lirateke migratzaileak euren bizitza arriskuan jartzera animatu behar", lurrez zein itsasoz legez kanpo erabilitako bideen bidez Europara iristeko ahaleginean. Ildo horretatik, Turkiari eta eskualdean lanean ari diren erakundeei mezu hori zabaltzeko eskatu die, "informazio faltsuaren hedapenarekin amaitzeko".
Horrez gain, hiru orduko bileran ministroek adostu dutenez, "pertsonen trafikoari aurre egiteko irmo borrokatzen jarraituko du EBk". Ildo horretatik, hurrengo bilera martxoaren 13an egingo dute EBko Barne ministroek, Bruselan.
Testuinguru horretan, Bruselak 350 milioi euro bideratu ditu Atenasi laguntzeko, eta aurrerago beste horrenbeste emango dio. Europar Batzordeak, halaber, Turkiaren eta Greziaren arteko mugara ehun agente inguru bidaliko dituela iragarri du, segurtasuna indartzeko asmoz.
Luxenburgo eta Finlandia izan dira Grezian bakarrik dauden adingabe batzuk hartzeko eskaintza formala egin duten bi estatu kide bakarrak, eta beste estatu kide batzuk laguntzeko prest agertu dira, komisarioak esan duenez.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.