Dagoeneko 521 kasu eta 19 hildako EAEn, eta aurreneko heriotza Nafarroan
Azken orduetan beste bost pertsona hil dira Euskadin koronabirusarekin, lau Araban eta bat Bizkaian. Ondorioz, dagoeneko 19 pertsona hil dira. Guztira, 521 kasu antzeman dituzte, ostiralean zenbatutakoak baino 104 gehiago.
Gaixotasuna Euskal Autonomia Erkidegoan izaten ari den bilakaeraren azken datuak jakitera eman ditu Eusko Jaurlaritzako Osasun Sailak. 222 pertsona ospitalean dira EAEn.
Gipuzkoan 46 kutsatu (16 ospitaleratu) antzeman dituzte, Bizkaian 115 (53 ospitaleratu) eta Araban 360 (153 ospitaleratu).
Positibo berrietatik, 50 Araban bizi dira, bertan 13 hildako izan dira jadanik, eta 153 ospitalean daude.
Bizkaian, hiru hildako utzi ditu koronabirusak, ostiralean baino 32 kasu gehiago antzeman dituzte, eta 53 kutsatu ospitalean daude. Gipuzkoan, 22 pertsona gehiago kutsatu dira, hiru hildako eta 16 ospitaleratu.
87 urteko emakume bat, aurreneko hildakoa Nafarroan
87 urteko emakume bat hil da Nafarroan koronabirusarekin. Gaixotasunak Foru Erkidegoan utzi duen aurreneko hildakoa da.
Martxoaren 12an ospitaleratu zuten Nafarroako Ospitale Gunean, eta aldez aurretik patologia larriak zituen.
Gainera, Nafarroan 183 dira kutsatuak dagoeneko, Foru Gobernuak azaldu duenez. Ostiraleko 18:00etan 130 ziren, beraz 53 gehiago dira orain. Bi kutsatuk sendagiria jaso dute dagoeneko.
34 pertsona daude ospitaleratua Nafarroan, horietako 4 Zainketa Intentsiboen Unitatean.
Hala ere, paziente gehienak etxean daude, 149, eta bertan ari zaizkie jarraipena egiten.
Maria Chivite Nafarroako Gobernuko presidenteak agerraldia egin du gauean, Espainian alarma egoera onartu ondoren.
Bestalde, Espainiako Estatuan 5.753 kasu antzeman dituzte dagoeneko, ostiraleko 18:00etan baino 1.522 kutsatu gehiago.
Osasun Ministerioak zehaztu duenez, kasu gehienak Madrilen (2.940 kutsatu) eta Katalunian (509) antzeman dituzte.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.