Koronabirusa
Gorde
Kendu nire zerrendatik

Koronabirusak 200.000 pertsona kutsatu, eta 8.000 hil ditu dagoeneko munduan

Kasu guztien % 80 Europan eta Ekialdeko Pazifikoan pilatzen dira, Munduko Osasun Erakundeak gaur, asteazkenarekin, zehaztu duenez.
Istanbulgo (Turkia) kalea
Istanbulgo (Turkia) kale bat. 98 kasu baieztatu dituzte herrialde horretan. Argazkia: Efe.

Koronabirus kasuen kopuruak 200.000ren maila igaro du dagoeneko mundu osoan, eta 8.000 pertsona baino gehiago hil dira berorren eraginez, Tedros Adhanom Ghebreyersus Munduko Osasun Erakundearen zuzendari nagusiak gaur, asteazkenarekin, prentsaurreko batean jakinarazi duenez. Kasu guztien % 80 Europan eta Ekialdeko Pazifikoan pilatzen dira, Tedrosen arabera.

“Herrialde asko epidemiaren hazkundeari ari zaizkio aurre egiten; gainez eginda ikusten dute beren burua, eta badakigu zelako zailtasunak bizitzen ari diren eta zer neurri zailak hartu beharrean diren”, adierazi du MOEko arduradun nagusiak.

Tedrosek berretsi du inork ez duela pentsatu behar “norbera edo bere komunitatea ez direla kaltetuko”, eta deia egin du guztiok eginahalak egiteko koronabirusaren hazkundea gelditzeko eta pandemia “maneiagarria” izatea lortzeko.

Tedrosek azpimarratu du MOEk isolamendua, probak egitea eta eriak artatzea gomendatzen jarraitzen duela covid-19a desagerrarazteko estrategia nagusi gisa.

“Birusa aurrekaririk gabeko mehatxua da, baina komunitatearen aurkako etsai baten kontra batzeko aukera ere bada”, adierazi du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Zure interesekoa izan daiteke

18:00 - 20:00
ZUZENEAN
Duela  min.

CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"

Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.

18:00 - 20:00
ZUZENEAN
Duela  min.

ETSk milaka zale kantuan eta dantzan jarri ditu Bilboko Europa parkean

Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.

Gehiago ikusi
Publizitatea
X