SARS-CoV-2, birus berezia kutsatu askok sintoma arinak soilik izaten baitituzte
Birologoek sarritan errepikatzen dute, aldez edo moldez, patogenoek ahalmen handia dutela ziztu bizian zabaltzeko eta gizakion osasuna eta ongizate orokorra arriskuan jartzeko, baina zertan da besteetatik ezberdina SARS-CoV-2 hau, COVID-19aren pandemia eragin duen birusa?
Pompeu Fabra Bartzelonako Unibertsitatetik, Juana Diez Birologia Molekularreko taldearen buruak eta Andreas Meyerhans Osasun Zientzien eta Zientzia Esperimentalen Saileko Infekzioen Biologiako Laborategiaren nagusiak azaltzen dutenez, “birus berria hau berezi bihurtzen duena izan liteke sintoma arinak bakarrik dituzten pertsona kutsatuen maiztasun handia, % 80tik gorakoa”.
“Pertsona horiek -erantsi dute- beste batzuk kutsatzen eta birusa hedatzen jarraitzen dute, gizakion arteko harremanak modu masiboan murriztu ezean”.
Egoera hobetzeko neurrien artean, Diezek eta Mayerhansek azpimarratu dute “lehenik eta behin birusaren hedapena inibitu, gizakien arteko harremanak modu masiboan eragotziz, etxean gelditu, musuak eta bostekoak saihestu, pertsonen arteko distantzia metro bat edo bikoa izan dadila, eskuak garbitu edo desinfektatu”.
“Neurri horiei orpoz orpo jarraitu behar diegu”, adierazi dute.
Txertoa, datorren urtean seguru asko
Koronabirus berri honen aurkako balizko txertoari buruz, bi adituok gogora ekarri dute MERSaren, SARS-CoV-2arekin lotutako koronabirus baten, aurkako txertoak funtzionatzen duela eta, ondorioz, “litekeena da SARS-CoV-2aren aurkako txerto indartsu bat ere izatea”, beren aburuz.
“Ikerketa klinikoak hasi dira dagoeneko, baina, seguru asko, “txertoa ez da egongo eskuragarri datorren urtera arte”, beren esanetan.
Ikerketa sistema “funtzionala”
Ikertzaileek azpimarratu dutenez, “ikerketa sistema funtzionala oinarrizkoa da mehatxu berriei azkar erantzuteko, SARS-CoV-2a kontrolpean izan eta gero horrelakoak ezinbestean sortuko direnez”.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.