Delituak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Donostiako Udaltzaingoak gazte bat salatu du grafitiak margotzeagatik

Gertakaria martxoaren 19an izan zen, 22:00ak aldera, Mikel Laboa pasabidean. Halako ekintzengatik aurrekariak dituen gaztea in fraganti harrapatu zuen patruila batek.

Agentziak | Erredakzioa

Azken eguneratzea

Udaltzaingoak 23 urteko gazte bat harrapatu du Donostiako Loiolako Erribera auzoan grafitiak egiten, eta koronabirusaren aurkako konfinamendua hasi zenetik, prebentzioko eta kontroleko 650 jarduera baino gehiago egin ditu, Donostiako Udalak jakitera eman duenez.

Gertakaria martxoaren 19an izan zen, 22:00ak aldera, Mikel Laboa pasabidean. Halako ekintzengatik aurrekariak dituen gaztea in fraganti harrapatu zuen Udaltzaingoko patruila batek, eta pintadak egiteko erabiltzen zituen aerosolak kendu zizkion.

Udaltzaingoak akta bat ireki du gaztearen aurka, koronabirusen pandemiak ezarritako alarma-egoeran jarraitu beharreko neurriak ez betetzeagatik, eta zigor-eginbideak bideratu ditu dagokion epaitegian, ustezko kalte-delitu batengatik.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
Gizartea Gipuzkoa Delituak Donostia Gaixotasunak Eguneko Titularrak Covid-19aren aldaera berriak

Zure interesekoa izan daiteke

Gehiago ikusi
Publizitatea
X