Hildakoari gaubeila egitea debekatu dute EAEn, heriotzaren arrazoia edozein dela ere
Eusko Jaurlaritzak hildakoari gaubeila egitea debekatu du Euskal Autonomia Erkidegoan (EAE), heriotzaren arrazoia edozein dela ere, eta hileta-elizkizunen kasuan, bertaratzen diren pertsonen artean gutxienez metro eta erdiko tartea bermatzea jarri du baldintza gisa.
Euskal Herriko Agintaritzaren Aldizkariak (EHAA) Nekane Murga Osasun sailburuaren agindu bat argitaratu du ostiral honetan. Agindu hori gaur bertan sartu da indarrean, eta, COVID-19 gaitzak eragindako pandemiaren ondorioz, "ezohiko neurriak" ezartzen ditu hilotzen gaineko osasun-neurrien inguruan.
Hala, agindu horretan jasotako prebentzio-neurriak gorpu guztiei eragingo die, "heriotzaren arrazoia edozein izanda ere". Horiek lurperatu edo erraustu ahal izango dira, eta "azken agurra" eman ahal izango zaie, heriotzatik 24 ordu igaro arte itxaron gabe, orain arte egin behar zen bezala. Gorputza erraustuz gero, errautsak manipulatu egin daitezke, betiere horrek arriskurik sortzen ez badu.
Osasun sailburuak sinatutako agindu horrek hildakoari gaubeila egitea debekatzen du, eta azken agurra emateko zeremonia zibil zein erlijiosoetara (hileta-elizkizunak barne) joateko ondorengo baldintza ezartzen du: jendetzarik ez biltzea eta bertaratzen diren pertsonen arteko gutxieneko distantzia metro eta erdikoa izatea.
Halaber, koronabirusak eragindako "pandemiaren ondoriozko osasun-larrialdiko egoera bideratzen den bitartean, gorpuaren gaineko tanatopraxia edo tanatoestetikako esku-hartzeak eta garbiketa-jarduketak debekatuta egongo dira".
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.