Inongo igarlek ez zuen koronabirusaren agerpena iragarri
Azken egunotan, WhatsApp eta sare sozialen bitartez bideo bat hedatu dute, zeinetan Nube de Maria izeneko igarle batek, ustez, 2020an koronabirusa agertuko dela iragartzen duen.
Hori hala izanik, dozenaka erabiltzaile jarri dira EiTBrekin harremanetan, #Koronabuloak geldiarazteko xedearekin martxan jarritako 600 900 454 WhatsApp zenbakiaren bitartez, eduki horri buruz ohartarazteko.
Egun hauetan, Euskal Irrati Telebista Maldita.es webguneko Maldito Bulo atalarekin dabil harremanetan, koronabirusari buruzko albiste faltsuak geldiarazteko asmoz. Hala, azken horrek dagoeneko jorratu du esku artean dugun gaia, eta, bere iritziz, ez dago inolako frogarik igarle horrek koronabirusa aurresan zuenik.
Hala, Maldito Bulotik egiaztatu ahal izan dutenez, ustezko iragarpenaren bideoa orain dela gutxi (2020ko martxoaren 29an) igo da YouTubera, baina Toni Rovira y tú programak 2019ko abenduaren 24an egin zuen saioaren emisioari dagokiola aditzera emanez. Hala ere, aipatu programako Twitter eta Facebookeko profil ofizialetan ez dago bideo horren edo bertan egiten den ustezko iragarpenaren aipamenik.
Era berean, Nube de Mariak Facebooken duen profilean ere ez zaio eduki horri aipamenik egiten.
Hona hemen biral egin den bideoa:
Azken kanal horretan, ordea, badago beste bideo bat, ustez 2019ko azaroaren 18an grabatutakoa. Bideo horren aldamenean dagoen testuak honako hau ziurtatzen da: "Nube de Mariak aurreikusi zuen errespetatu ez dugun Lur planetak ezin dut gehiago oihukatuko duela 2020an" (sic). Hala ere, eduki horren igoera-data ere 2020ko martxoaren 29a da.
Aldiz, kanal berean beste bideo bat ere ikus daiteke, 2020ko urtarrilaren 1ekoa. Bertan, De Mariak justu kontrakoa den iragarpen bat egiten du, 2020an "ziklo positibo bati" ateak irekiko zaizkiola baieztatzen baitu. Bideo hori bera igarlearen Instagrameko profilean ere aurki daiteke, 2019ko abenduaren 31ko datarekin.
Jantziak ez datoz bat
Bestalde, Maldito Bulo ekimenak abenduaren 24ko ustezko iragarpenaren bideoan agertzen diren bi protagonistek janzten duten arropari ere azpimarra egin nahi izan dio.
Hala, inkongruentziak aurkitu dituzte Nube de Mariak eta Toni Rovirak bideo horretan daramatzaten jantzien eta Toni Rovira y tú programak Gabon Gaueko emisioari buruz sare sozialetara igotako argazkietan daramatzatenekin.
Jarraian ikus daitekeen txioan, programako aurkezlea eta igarlea elkarren ondoan daude, beste gonbidatu askorekin batera. Aurkezleak bideoarekin bat ez datorren jaka bat darama soinean; igarleak, berriz, soineko bera daraman arren, bideoan agertzen ez den lepoko bat dauka. Gai honen gaineko xehetasun gehiago nahi izanez gero, ikusi Maldito Buloren gezurtatzea.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.