Emakume bat larri dago kea arnasteagatik, Zizurren izan den sute batean
Emakume bat intoxikatu da, larri, Zizurren, Santa Cruz de Ardoi kaleko 41. zenbakiko laugarren solairuan, piztutako sutean, Nafarroako Gobernuak jakitera eman duenez.
Inguruko bizilagunek 05:20 aldera deitu dute SOS Nafarroaren 112 telefonora, kea zegoela ohartarazteko.
Suhiltzaileak bertaratu direnean, erantzunik jaso ez dutenez, atea behartu behar izan dute.
Suak gela bat kaltetu du, batez ere, eta ondoko batean emakumea aurkitu dute, konorterik gabe eta lurrean. Nafarroako Ospitalera eraman dute, anbulantzia medikalizatu batean.
Suhiltzaileek sua itzali eta etxea aireztatu ondoren, 07:11 aldera itzuli dira parkera. Suak kalte handiak eragin ditu gela batean eta belztuta utzi du etxe osoa keak.
Zizurko Udaltzaingoak ere lagundu du operatiboan.
Zure interesekoa izan daiteke
"EA Sports FC 27" bideojokoaren adin-gomendioa 16 urtera igo dute, ausazko sariengatik
Easo-Amarako Trenbide Zabaltzako hirigintza eraldatuko dute, 480 etxebizitza eta kirol ekipamenduekin
Autobus bat erre da NA-6005 errepidean, Zarikiegin
Unibertsitateentzako betekizun berriak iragarri ditu Sanchezek: presentzialtasun handiagoa eta irakasleen % 50 doktoreak
Euskadin 1970etik erregistratutako udarik beroena izan da aurtengoa
Pailazo biral batek zalaparta eragin du Urretxun eta Zumarragan
NAZA, Israelen ezinegona eragin duen filma, Zinemaldian izango da
Tentsio uneak izan dira agenteen eta migratzaileen artean Ceutako porturako bidean
