Beste bi urtez luzatu diote Kote Cabezudo argazkilariari behin-behineko espetxealdia
Gipuzkoako Auzitegiak beste bi urtez luzatu dio behin-behineko espetxealdia Kote Cabezudo argazkilari donostiarrari. Modeloei gehiegikeriak egiteagatik, iruzurragatik eta sexu askatasunaren aurkako beste hainbat delitu egotzita dago auzipetuta.
Cabezudo 2018ko maiatzaren 4an eraman zuten Martuteneko kartzelara. Behin-behineko espetxealdian bi urte betetzear dagoenez, haren egoera aztertu behar izan dute, eta epai-mahaiak kartzelaldi probisionala beste bi urtez luzatzea erabaki du, Fiskaltzaren eta akusazio partikularraren eskariak onartuta. Behin-behineko espetxealdia lau urtekoa izan daiteke gehienez.
Cabezudorena auzi konplexua da. Kasu nagusia 2013an abiatu zuten, argazkilariari 47 delitu leporatuta, horietako hainbat bere modeloen sexu-askatasuna urratzeagatik.
Kasu horietatik beste batzuk eratorri dira, larrienak hauek: epaileek esandako ez betetzea, biktimak behartzen saiatzea eta justiziaren lana oztopatzea.
Behin-behineko espetxealdia berrikusteko saioa apirilaren 22an egin zuten. Fiskaltzak eta akusazio partikularrak preso jarrai zezala eskatu zuten, bere kontrako froga asko daudela eta ihes egiteko arriskua dagoela iritzita.
Halaber, libre geratuz gero, biktimen kontra egin dezakeela ohartarazi zuten, lekuko bat beldurrarazten –biluzik ageri den argazki bat zabaldu zuen sare sozial batean- saiatu zela gogoratuta.
Defentsako abokatuak, berriz, aske uzteko galdegin zuen, behin behineko espetxealdian mantentzeko arrazoi nahikoa ematen ez direla argudiatuta.
Horrez gain, kautelazko neurri guztiak bete zituela eta epaitegira deitu duten guztietan joan zela azpimarratu zuen. 72 urte dituela, adin txikiko alaba bat daukala eta Donostian errotuta dagoela ere aipatu zuen haren abokatuak.
Amaitzeko, koronabirusaren pandemiagatik bizi dugun alarma egoeraren ondorioz Cabezudok inora ihes egitea ezinezkoa dela nabarmendu zuen.
Hala eta guztiz ere, Gipuzkako Auzitegiak argudio horiek guztiak baztertu eta akusazio partikularraren eta Fiskaltzaren eskaria onartu zuen, argazkilari donostiarraren kontrako zantzu asko daudela kontuan hartuta.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.