Donostiak TAO zerbitzua berreskuratu du, eta bizitegi-kale bihurtu ditu batzuk
Eneko Goia Donostiako alkateak gogora ekarri duenez, astelehen honetan, maiatzak 11, Trafiko eta Aparkamenduaren Ordenamendua (TAO) berrezarriko dute hiriburuan, kale batzuk bizitegi-kale bihurtuko dira eta pasealeku batzuetan mozketak izango dira, paseatzen edo kirola egiten duten herritarrek COVID-19aren aurreko distantzia sozialeko neurriak bete ditzaten.
Goiak agerraldia egin du modu telematikoan, tokiko gobernu batzarraren ostean, eta iragarri du kale batzuk egoitza-kale izango direla, 10 km/h-ko abiadura mugarekin. Hasteko, Kristina infanta, Etxague jenerala, Euskal Herria eta Eduardo Chillida kaleei eragingo die neurri horrek, eta gero, Groseko Berminghan eta Segundo Izpizua kaleei.
Gainera, Askatasunaren hiribidean, 30 km/h-ko abiadura izango dira muga, eta Kontxako eta Santa Katalina zubiko bidegorriak lotuko dituzte txirrindulariek "segurtasun handiagoz" zirkulatzeko.
Bestalde, asteazken honetatik (maiatzak 6) eta astelehenetik igandera, mozketak izango dira tarteka Eduardo Chillida kalean eta Paseo Berrian 07:30etik 10:00etara eta 08:00etatik 21:30era (egoiliarrak garajeetara joateko aukera izango dute), eta Kontxan, berriz, erreietako bat gordeko da txirrindularientzat. Horrela, "pasatzen ari direnek bidegorria ere erabili ahal izango dute, pertsonen zirkulazioa errazteko, segurtasun-baldintzak betez".
Halaber, TAO zerbitzua gaur bertan jarriko da berriro martxan hirian. Goiaren esanetan, "1 faseak mugikortasuna eta jarduerak ugaritzea ekarriko du, eta une egokia da aparkatzeko erregulazioa berreskuratzeko".
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.