2 fasean ostalaritzako lokalen barrualdea irekitzea proposatu du Eusko Jaurlaritzak
Eusko Jaurlaritzak ostalaritzak lokalen barnealdea % 50eko edukierarekin ireki ahal izatea proposatu du konfinamenduaren arintzearen 2 faseari begira, eta lurraldeen arteko mugikortasuna ahalbidetzea, baina arrazoi sozioekonomikoengatik bakarrik.
Gobernu kontseiluaren osteko prentsaurrekoan, fase horri begira Exekutiboa bi aldeekin negoziatzen ari den gaiak nabarmendu ditu Arantxa Tapia Ekonomiaren Garapen eta Azpiegitura sailburuak. Gai horiek etapa berri horretarako trantsizioa eskatzeko aurkeztutako proposamenaren parte dira, hain zuzen.
Negoziazio-eremuetako batek maskarekin du zerikusia, eta espazio itxietan nahitaez erabili beharra aipatu du. Gainera, bi metroko distantzia bermatu ezin den gune publikoetan "oso gomendagarria" dela nabarmendu du.
Bestalde, kultura- eta aisialdi-jarduerei dagokienez, zinema-aretoetan edo museoetan % 50eko edukiera lortu ahal izatea proposatu du, betiere bi metroko distantziari eutsi ahal bazaio.
Ostalaritzan ere lokalen barrualdea % 50eko edukierarekin ireki ahal izatea planteatu du, betiere bezeroak mahaian eserita egonez gero eta bi metroko distantzia errespetatuz gero. Era berean, saltokietan eta merkataritza-guneetan % 50eko edukiera baimentzea proposatu du.
Etxe edo lokal pribatuetan egiten diren familia-bileren kasuan, "nola egin daitezkeen eta zenbat lagun bil daitezkeen primeran" argitzen duen araudi bat eskatu diote Eusko Jaurlaritzari.
Hezkuntzan, maila jakin batzuetarako maiatzaren 25etik aurrera hezkuntza-jarduera modu presentzialean berriz irekitzea planteatzen du.
Azterketak egin ahal izateko azoka-esparruak irekitzea ere proposatu dute, eta, mugikortasunari dagokionez, EAEko lurraldeen artean mugitzeko aukera zabaltzea, baina arrazoi sozioekonomikoengatik bakarrik.
Zure interesekoa izan daiteke
24 partidako zigorra, Nafarroan epaile bati eraso egiteagatik
Erasoa pasa den asteburuan gertatu zen, C. D. A. Rotxa eta U. D. Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren sexu-abusuarekin lotutako edukiak sortzeko helburu bakarra duten adimen artifizialeko sistemak debekatuta egongo dira 2026ko abenduaren 2az geroztik. Grok X sare sozialeko AAko tresnak sortutako hika-mikaren ondoren adostu dute neurria.
Horrelakoa izango da MV Hondiusen bidaia Kanariar Uharteetara
Hantabirus kasuak dituen itsasontziaren bidaia maiatzaren 9an, larunbatean, iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.