Amiantoaren minbiziak "ezkutatzeko" GSINen jarrera "bidegabea" salatu dute
Asviamie elkarteak Arabako Gizarte Segurantzako Institutu Nazionalaren (GSIN) "jarrera bidegabea" salatu du, "amiantoak eragindako minbizien epidemia ezkutatzeagatik". Dena den, pozik agertu da Gasteizko epaitegi batek zuntz horren eraginpean dagoen langile bati ezintasun iraunkorra aitortu diolako.
Euskadiko Amiantoaren Biktimen Elkarteak ohar baten bidez jakitera eman duenez, Gasteizko Lan Arloko 2. Epaitegiak Laudioko altzairutegiko eta Basauriko Sidenorren langile ohi baten demanda onartu du, pleurako mesotelioma bat pairatzen duen langile batena, hain zuzen. Beraz, Gizarte Segurantzako Institutu Nazionalaren ebazpena baliogabetu du, erabateko ezintasun iraunkorra eta pentsio gorena jasotzeko eskubidea emanez.
Langile hori 1970ean hasi zen Laudioko altzairutegian, mantentze-lanetan, eta, lantegia itxi ostean, Basauriko Sidenorrera eraman zuten 2011ra arte (urte horretan hartu zuen erretiroa).
Amiantozko estaldurekin kontaktuan egon zen bere jardueran, eta, Asviamieren oharraren arabera, enpresak ez zion arriskuaren berri eman, ezta arnasa hartzeko babesik eman ere.
2018ko irailean, pleurako mesotelioma diagnostikatu zioten, eta 2019ko urtarrilean, gaixotasun profesional bat izan zitekeela jakinarazi zioten.
Osakidetzaren Galdakaoko Ospitalearen txostenak jaso zuen "amiantoaren eraginpean egondako pazientea" zela, eta adierazi zuen pairatzen zuen mesotelioma "esposizio horrekin argi eta garbi lotuta" zegoela. Lanean amiantoaren eraginpean egotea "posible eta litekeena" zela ondorioztatu zuen Osalanek.
Hala ere, GSINk "mespretxatu" egin zituen txosten horiek, eta eskatutako ezintasun iraunkorraren prestazioa ukatu zion, "amiantoaren eraginpean egotearena" frogatu gabe zegoelako, eta, beraz, ezin dela gaixotasun profesionaltzat kalifikatu iritzita.
Orain, Gasteizko Lan Arloko 2 zenbakiko Epaitegiak atzera bota du erabaki hori, eta langile horrek gaixotasun profesionaleko ezintasun iraunkor absolutuaren prestazioa jasotzeko eskubidea duela adierazi du.
Asviamie pozik agertu da epai horrekin, "Arabako GSINk amiantoak eragindako minbizien epidemia ezkutatzeko egindako saiakera" agerian uzten duelako.
"Europako Ekonomia eta Gizarte Arazoetarako Batzordeak adierazi du urtean 88.000 pertsona hiltzen direla amiantoaren ondorioz Europan, onartezina eta ankerra da Administrazioak substantzia kantzerigenoekin enpresek prebentzio-arauak ez betetzeak eragindako gaixotasunak ezkutatzen jarraitzea", azaldu du.
Gaixotasun profesionalak "ezkutatzera" bideratutako praktika horren aurkako erreakzio soziala beharrezkoa dela uste du Asviamiek, eta Legebiltzarreko indarrei zerbait egiteko eskatu die, "bidegabekeriarekin eta sufrimenduarekin amaitzeko".
Zure interesekoa izan daiteke
20 urteko motorzale bat larri zauritu da Burlatan semaforo baten aurka talka eginda
Gaueko 21:00ak pasata izan da ezbeharra, eta gaztea Zainketa Berezien Unitatean dago, buruan kolpe handia hartuta. Foruzaingoa gertaturikoa ikertzen ari da.
N-121-A errepidea itxi dute Belateko eta Almandozko tuneletan, bikoizketa lanak direla eta
Errepidea itxita dago bi noranzkoetan, eta zirkulazioa NA-1210 errepidetik desbideratzen ari da, Belateko mendatetik.
Lurrak dar-dar egiten jarraitzen du Granadan
Bart gauean intentsitate desberdineko sei astindu izan dira Granadan eta inguruko metropoli eremuan.
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.